Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,283,886 411
DEATHS 28,704 7
Sindh 475,097 Cases
Punjab 442,876 Cases
Balochistan 33,471 Cases
Islamabad 107,601 Cases
KP 179,888 Cases

حکومت اور شوگر ملز مالکان کے درمیان معاملات طے پا گئے، جنوبی پنجاب اور سندھ میں کرشنگ پندہ نومبر سے شروع کرنے پر اتفاق ہو گیا۔ حکومت شوگرملز سے سرپلس چینی بھی خریدے گی۔

چیئرمین پاکستان شوگرملزایسوسی ایشن ذکاٗ اشرف اور دیگر عہدیداران نے لاہور میں پریس کانفرنس کرتے ہوئے کہا کہ وزیراعظم نے شوگر ملوں کے مسائل کے حل کیلئے مشیر خزانہ کی سربراہی میں کمیٹی بنا دی ہے۔

ان کا کہنا تھا کہ سندھ اور جنوبی پنجاب میں پندرہ جبکہ وسطی پنجاب میں بیس نومبر سے کرشنگ شروع کر دی جائے گی۔

ذکاٗ اشرف نے کہا کہ وزیراعظم نے یقین دلایا ہے کہ ہمارے مسائل کے حل اور چینی کے کاروبار کیلئے آزاد معیشت کو فروغ دیا جائے گا۔ شوگر ملوں کو سیل کرنے اور ڈیلروں کی گرفتاریوں کے باعث چینی کی قیمتیں بڑھیں۔

چیئرمین پی ایس ایم نے کہا کہ حکومت نے یقینی دہانی کرائی ہے کہ چینی کی قیمتوں کو مارکیٹ میکانزم پر چھوڑ دیا جائے گا، جبکہ حکومت نہ صرف ملوں سے سرپلس سٹاک خریدے گی بلکہ بوقت ضرورت چینی برآمد کی اجازت بھی دے گی۔