فیڈرل بورڈ آف ریونیو نے پراپرٹی ویلیو ایشن پر نظرثانی کے لئے اسٹیٹ بینک کے ماہرین سے مدد مانگ لی۔

ایف بی آر کا کہنا ہے مختلف حلقوں سے شکایات موصول ہوئی ہیں، تمام اسٹیک ہولڈر بشمول ریئل اسٹیٹ ایجنٹس اورٹاؤن ڈیویلپرز سے مشاورت کریں گے۔

فیڈرل بورڈ آف ریونیو نے پراپرٹی ویلیو ایشن پر نظرثانی کا فیصلہ کرلیا۔اسٹیٹ بینک کے ماہرین سے مدد مانگ لی ۔اعلامیہ میں کہا ہے کہ مختلف حلقوں سے شکایات موصول ہوئی ہیں، جس میں پراپرٹی ویلیو ایشن کومارکیٹ قیمت سے زائد کہا گیا ہے،حالانکہ ایف بی آر نے پراپرٹی ویلیوایشن غوروخوض اور فیلڈ فارمیشن کی مشاورت کے بعد مقرر کی۔

ایف بی آر کے مطابق پراپرٹی ویلیو ایشن کے لئے تمام اسٹیک ہولڈر بشمول ریئل اسٹیٹ ایجنٹس اور ٹاؤن ڈیویلپرز سے مشاورت کی جائے گی۔

ایف بی آر کے مطابق انفرادی طور پر کیسز کی جانچ پڑتال کے بعد اپنی سفارشات پیش کریں گے۔