روس کی وزارت دفاع نے کہا ہے کہ ہماری افواج نے یوکرین کے کئی ٹھکانوں پر حملے کیے ہیں۔

یوکرین پر الزام لگاتے ہوئے روسی وزارت دفاع نے کہا کہ انہوں نے زپوریزیا جوہری پاور پلانٹ کے قریب گولہ باری کی ہے۔

وزارت کے مطابق روسی افواج نے کھیرسن، میکولائیو، کھرکیو اور ڈونیٹسک کے علاقوں میں حملے کیے ہیں۔

اپنے بیان میں وزارت دفاع نے مزید کہا کہ یوکرین کی افواج نے کھیرسن میں پراوڈین کے قریب ایک ناکام حملہ کیا۔

وزارت دفاع کا کہنا تھا کہ یورپ کے سب سے بڑے ایٹمی پاور پلانٹ زپوریزیا میں تابکاری کی سطح معمول پر ہے، ہفتے کے روز پلانٹ کے قریب یوکرین کی گولہ باری کے دو واقعات ریکارڈ کیے گئے۔

یوکرین کی وزارت خارجہ کے ترجمان نے اس بات کی تردید کی کہ یوکرین کی افواج نے ملک کے جنوب میں واقع تنصیب کے قریب گولہ باری کی ہے۔

روس اور یوکرین نے بارہا ایک دوسرے پر زپوریزیا پلانٹ پر گولہ باری کا الزام عائد کیا ہے۔