پاکستانی گلوکارہ عروج آفتاب نے میوزک کے اعلیٰ ترین گریمی ایوارڈز میں پہلی بار اردو گانا پیش کیا۔

سال 2022 میں اپنے مشہور گانے ’محبت‘ سے گریمی میں بہترین گلوبل میوزک پرفارمنس کا ایوارڈ جیتنے والی گلوکارہ عروج آفتاب دوسرا گریمی ایوارڈ حاصل کرنے میں ناکام ہوگئیں۔

گریمی ایوارڈز 2023 کیلئے عروج آفتاب کو دوسری بار نامزد کیا گیا تھا، اُن کا گانا ’ادھیڑو نہ‘ گریمی ایوارڈ کے لیے نامزد ہوا تھا، تاہم گلوکارہ اس سال ایوارڈ حاصل کرنے میں ناکام رہیں۔

بعدازاں عروج آفتاب نےگریمی میں پرفارم کرنے والی پہلی پاکستانی گلوکارہ ہونے کا اعزاز اپنے نام کرلیا۔

دوسری جانب امریکی مشہور گلوکارہ بیونسے نے سب سے زیادہ گریمی ایوارڈز حاصل کرنے کا ریکارڈ توڑتے ہوئے 32واں گریمی ایوارڈ بھی جیت لیا۔