Aaj News

جمعہ, مارچ 29, 2024  
18 Ramadan 1445  

انوشے اشرف نے سوشل میڈیا کا استعمال بند کیوں کیا؟

رمضان کا آغاز ایک کھلے دماغ کے ساتھ کرنا چاہتی ہوں، اداکارہ
شائع 13 مارچ 2023 10:27pm

پاکستانی اداکارہ انوشے اشرف نے رمضان سے قبل اپنے دل، دماغ، روح اور جذبات کی پاکیزگی کیلیے سوشل میڈیا سے ایک ہفتے کی دوری اختیار کرلی۔

اداکارہ و میزبان نے انسٹاگرام پوسٹ کے ذریعے مداحوں کو اپنے فیصلے سے آگاہ کیا ہے۔

انوشے اشرف نے انسٹاگرام پوسٹ میں پرفضا مقام سے اپنی تصویر شیئر کرتے ہوئے لکھا کہ میں اپنے دل و دماغ اور روح کو پاک صاف کرنے کیلئے سوشل میڈیا سے ایک ہفتے کا وقفہ لے رہی ہوں۔

انہوں نے مزید لکھا کہ میں رمضان کا آغاز ایک کھلے دماغ کے ساتھ کرنا چاہتی ہوں تاکہ اس کی برکات،حکمتوں اور اچھائیوں کو سمیٹ سکوں۔

انوشے اشرف کا کہنا تھا کہ وہ اس ایک ہفتے میں پہاڑوں پر جائیں گی اور وہ ایک روحانی تربیت کے پروگرام میں شریک ہوں گی جہاں عبادت، مطالعہ، مراقبہ اور تبادلہ خیالات کے سیشن ہوں گے۔

انہوں نے کہاکہ مجھے یہ تسلیم کرنا چاہیے کہ میں اس ہفتے اپنے سوشل میڈیا فیملی کو یاد کروں گی لیکن میں اپنی حساسیت کی تجدید ، اس کا تمام بوجھ اتارنے اور واپس آکر مزید خدمت کے جذبے سے سرشار ہونے کیلیے پرجوش ہوں، میں آپ سب سے پیار کرتی ہوں اور کرتی رہوں گی۔

Anoushay Asharaf

Comments are closed on this story.

تبصرے

تبولا

Taboola ads will show in this div