بالی ووڈ اداکار سلمان خان تقریب میں اداکارہ کترینہ کیف کے شوہر وکی کوشل سے ہاتھ ملائے بغیر چلے گئے ۔

سوشل میڈیا پر بالی ووڈ اداکار سلمان خان کی ایک ویڈیو وائرل ہورہی ہے جس میں سلمان خان انٹرنیشنل انڈین فلم اکیڈمی ایوارڈز میں شرکت کے لیے ہوٹل میں داخل ہو رہے ہیں۔

سلمان خان کی آمد سے قبل بالی ووڈ کے اداکار اور اداکارہ کترینہ کیف کے شوہر وکی کوشل کو مداحوں کے ساتھ سیلفیاں بناتے ہوئے دیکھا جا سکتا ہے۔

سلمان خان کی انٹری ہوتے ہی وکی کوشل نے ان سے ہاتھ ملانے اور بات کرنے کی کوشش کی لیکن سلمان خان نے انہیں مکمل طور پر نظر انداز کرکے آگے بڑھ گئے۔

یہی نہیں سلمان خان کے گارڈز نے وکی کوشل کو دھکا دے کر سائیڈ پر بھی کردیا۔

سلمان خان اور کترینہ کیف کے درمیان 7 سال تک تعلقات رہے تھے اور دونوں کی شادی کی افواہیں بھی گردش کرتی رہی تھیں۔