حکومت پاکستان نے ٹریول ایڈوائزری جاری کر دی اور ہدایت کی ہے کہ اسرائیل کے حملوں کے پیش نظر پاکستانی شہری محدود مدت تک ایران کا سفر نہ کریں۔

حکومت پاکستان نے اسرائیلی حملوں کے تناظر میں اپنے شہریوں کے لیے ٹریول ایڈوائزری جاری کرتے ہوئے محدود مدت کے لیے ایران کا سفر نہ کرنے کی ہدایت کی ہے۔

وزارت داخلہ کی جانب سے جاری بیان میں کہا گیا ہے کہ شہریوں کی سلامتی اور حفاظت کے حوالے سے حکومت صورتحال پر گہری نظر رکھے ہوئے ہے۔

ایڈوائزری میں واضح کیا گیا ہے کہ ایران میں موجود پاکستانیوں کی بحفاظت واپسی کے لیے وزیراعظم شہباز شریف کی ہدایات کی روشنی میں پہلے ہی ضروری اقدامات اور انتظامات شروع کر دیے گئے ہیں۔

حکام نے شہریوں سے اپیل کی ہے کہ وہ غیر ضروری سفر سے گریز کریں اور کسی بھی ایمرجنسی کی صورت میں متعلقہ سفارتی مشنز یا وزارت خارجہ سے رابطہ کریں۔