سندھ میں موٹرسائیکل کی ڈبل سواری پر پابندی عائد
سندھ حکومت نے چہلم امام حسین کے پیش نظر صوبے بھر میں موٹر سائیکل کی ڈبل سواری پر پابندی لگانے کا اعلان کردیا۔
محکمہ داخلہ سندھ کی جانب سے جاری ہونے والے اعلامیے کے مطابق چہلم امام حسین پر امن و امان قائم کرنے کے لیے صوبے بھر میں دفعہ 144 نافذ کردی گئی۔
اعلامیے کےمطابق دفعہ 144 کے نفاذ کے بعد اسلحہ لے کر چلنے اور اس کی نمائش پر پابندی ہوگی، دیگر تمام اجازت نامے بھی منسوخ کردیے گئے ہیں۔
محکمہ سندھ کے اعلامیے میں کہا گیا ہے کہ 20 اکتوبر کی رات 12 بجے سے صوبے بھر میں چوبیس گھنٹے تک موٹرسائیکل کی ڈبل سواری پر پابندی عائد رہے گی۔
اعلامیے کے مطابق بارہ سال سے کم عمر بچے، بزرگ ، صحافی اور قانون نافذ کرنے والے اداروں کے اہلکار اس پابندی سے مستثنیٰ ہوں گے۔
مقبول ترین
Comments are closed on this story.