بولی وڈ اداکار سیف علی خان اپنی بیٹی سارہ کے انڈسٹری میں ڈیبیو کے حوالے سے کافی پُر جوش ہیں اور کہتے ہیں کہ اپنی بیٹی کو صرف ایک مشورہ دیا ہے کہ اسکرپٹ صحیح طریقے سے پڑھیں۔

چوبیس سالہ اداکارہ اپنے بولی وڈ کیریئر کا آغاز ہدایت کار ابھیشیک کپور کی کیدرناتھ سے کریں گی۔ جس میں ان کے مقابل سشانت سنگھ راجپوت  ہوں گے۔

یہ پوچھے جانے پر کہ وہ سارہ کو کیا مشورہ دیں گے ، سیف نے جواب دیا کہ میں کہوں گا کہ اسکرپٹ کو صحیح طریقے سے پڑھیں۔

ان کا مزید کہنا تھا کہ اس(سارہ)کے پاس بہت سے خیر خواہ ہیں۔ اس کی ماں(اداکارہ امرتا سنگھ) سے لے کر مجھ تک، کرن جوہر سے لے کر ہرکوئی۔ وہ کسی سے بھی مشورہ لے سکتی ہے۔ میں بہت خوش ہوں کہ وہ کچھ ایسا کر رہی جس کا اس کا جنون ہے اور یہ ایک خوبصورت کام ہے۔

میڈیا میں خبر گرم تھی کہ 46سالہ اداکار اپنی بیٹی کے اداکارہ بننے پر فکر مند ہیں لیکن سیف نے اس متعلق کہا کہ ان کی بات کو توڑ مرو ڑ کر پیش کیا گیاہے۔

بشکریہ زی نیوز