اسپائیڈر مین سیریز کے شائقین کیلئے فلم کا سیکوئل اسپائیڈر مین ہوم کمنگ آج مداحوں کیلئے پیش کردیا گیا ہے۔

امریکی سینما گھروں میں آج ہالی ووڈ سپرہٹ سیریزاسپائیڈر مین ایک بار پھر راج کرنے کو تیار ہے۔فلم کا سیکوئل اسپائیڈر مین ہوم کمنگ آج سینما گھروں کی زینت بن گیا ہے۔

فلم کی کہانی غیرمعمولی صلاحیتوں کے مالک لڑکے کی زندگی پرمبنی ہے۔جس میں وہ مکڑی کی طرح جال بُن کربلندوبالا عمارتوں پرچڑھ جاتا ہے اوردشمنوں کامقابلہ کرتا ہے۔

فلم میں ٹام ہالینڈ اسپائیڈر مین کا کردار نبھارہے ہیں۔ فلم مبصرین ریلیز کے پہلے روز ہی دس کروڑ ڈالر بٹورنے کیلئے پرامید ہیں۔