انسان کو زندہ رہنے کے لیے پانی اور غذائی کااستعمال بہت ضروری ہوتا ہے۔اگرانسان کو غذاصحیح مقدارمیں میسرنہیں ہوتو وہ کمزوربھی ہو جاتا ہے۔ اگریہ سلسلہ جاری رہے تو انسان کئی ایک بیماریوں میں بھی مبتلاہوسکتا ہے۔ ماہرین کاکہناہے کہ ہمیشہ اچھی اور کم مقدار میں غذالینی چاہیے تاکہ انسانی جسم اسے آسانی سے ہضم کر لے۔

لیکن بعض لوگ اس بات پرعمل نہیں کرتے اورخوب سیرہوکے کھاناکھاتے ہیں۔ جس سے سستی کاہلی اور بدہضمی ہونے کا اندیشہ بھی ہوتاہے۔ دیکھنے میں آیاہے کہ لوگ کھاناکھانے کے بعد ا±س ٹھیک طرح ہضم ہی نہیں کرتے اور کھاناکھانے کے فوراََ بعد چندعمل ایسے کر گزرتے ہیں جوہماری صحت کے لیے انتہائی نقصان دہ ہوتے ہیں۔ ہمیں ایساہرگز نہیں کرنا چاہیے لیکن بدقسمتی سے یہ خطرناک عمل ہماری روز مرہ زندگی میں ایسے شامل ہوچکے ہیں۔

آج ہم آپ کو چند ایسی چیزوں کے بارے میں بتائیں گے جن کو کھانے کے فوراً بعد نہیں کرنا چاہئیے۔۔۔

تمباکونوشی

سگریٹ نوش افراد کھانا کھاتے ساتھ ہی سگریٹ اس خیال سے پیتے ہیں کہ اس سے ا±ن کا کھاناہضم ہو جائے گالیکن ماہرین کاکہناہے کہ کھانے کے فوراََ بعد سگریٹ پینادس سگریٹ پینے کے برابر ہوتاہے۔ اس سے کینسر جیسے مہلک مرض کے لاحق ہونے کاخطرہ بھی بڑھ جاتاہے۔

پھل

جب آپ کھانے کے فوراََ بعد پھل کھاتے ہیں تو وہ پھل کھانے ساتھ مل کرمعدے میں پھنس جاتاہے اور یوں وہ وقت پر آنتوں تک نہیں پہنچ پاتا۔ ماہرین کے مطابق کھاناکھانے کے تقریباََ ایک گھنٹے بعد پھل کھانا چاہیے یاپھرکھاناکھانے سے پہلے۔ زیادہ بہتریہ ہے کہ پھل صبح سویرے کھایاجائے جب معدہ خالی ہو۔

چائے

چائے کی پتوں میں بہت زیادہ تیزابیت پائی جاتی ہے اسی وجہ سے ماہرین کھانے کے فوراََ چائے پینے سے منع کرتے ہیں۔ کھانے کے فورا
ََ بعد چائے پینے سے کھاناہضم ہونے میں مشکل پیش آتی ہے۔ بہتر یہی ہے کہ کھاناکھانے کے کم سے کم ایک گھنٹے بعد چائے پی جائے۔

چہل قدمی

عام طور پرکہاجاتاہے کہ کھانے کے بعد تھوڑی چہل قدمی کرلینی چاہیے کیونکہ اس سے کھانا ہضم ہوجاتا ہے۔ لیکن یہ چہل قدمی فوراََ نہیں ہونی چاہیے کیونکہ ماہرین کے مطابق اس عمل سے نظام ہضم میں خرابی واقع ہوسکتی ہے۔ تاہم کھانے کھانے کے آدھے گھنٹے بعد چہل قدمی کرناصحت کے لیے ضرور فائدہ مند ہے۔ یہ چہل قدمی بیس سے تیس منٹ تک کی ہونی چاہیے۔ ضرورت سے زیادہ چہل قدمی سے آپ کا پیٹ دوبارہ خالی ہوجائے گا۔

فوراََ نہیں سوئیں

کھاناکھانے کے بعد اسے ہضم ہونے کے لیے کچھ وقت درکارہوتاہے۔ اس صورتحال میں انسان کاجسم حرکت میں رہنا ضروری ہے۔ کھاناکھانے کے فوراََ بعد سوجانے سے کھانامناسب طور پر ہضم نہیں پاتا جس کی وجہ سے ہماری آنتوں میں انفیکشن ہوجاتاہے جوکہ متعدد بیماریوں کاسبب بنتاہے۔