بھارت میں فلم نگری عام طور پر اپنی چمک  کی وجہ سے سرخیوں میں رہتی ہے، لیکن تصویر کا دوسرا رخ بھی ہوتا ہے۔ بولی وڈ میں ایسی بہت سی باتیں ہیں جو عام طور پر صیغہ راز میں رکھی جاتی ہیں، چاہے یہ  باتیں فلمسازوں سے متعلق ہوں ، اداکار و اداکاراوں سے متعلق ہوں یا پھر وہ بولی وڈ اداکاروں کے انڈرورلڈ مافیا سے تعلقات سے متعلق ہوں۔

اگرچہ کہ بولی وڈ میں ایسے کئی اداکار ہیں جن کے تعلقات انڈرورلڈ سے مبینہ طور پر سامنے آتے رہے ہیں، لیکن اگر اس حوالے سے بی ٹاون کی اداکاراوں کا تذکرہ کیا جائے تو بے جا نہ ہوگا، کیونکہ انہوں نے انڈرورلڈ کے بادشاہوں کو چت کیا۔ اور اپنے انڈر ورلڈ مافیا میں تعلقات کی سبب کئی پراجیکٹ اور فلمیں بھی حاصل کیں۔

منداکنی اور داود ابراہیم کے درمیان تعلق

منداکنی کے بارے میں یہ کہا جاتا ہے کہ ان کا بھی بھارت کے انڈرورلڈ ڈان داود ابراہیم سے انتہائی گہرا تعلق رہا ہے اور کہا جاتا ہے کہ انہوں نے فلم رام تیری گنگا میلی ہوگئی میں کردار بھی داود ابراہیم کی بدولت ہی ملا تھا۔

انیتا ایوب اور داود ابراہیم میں رشتہ

انیتا ایوب کا شمار بھی بولی وڈ اداکاراوں میں ہوتا رہا ہے ، اگرچہ کہ وہ بولی وڈ میں نام کمانے میں کافی کامیاب نہیں ہوسکیں لیکن کہا جاتا ہے کہ انہوں نے انڈرورلڈ ڈان داود ابراہیم کا دل ضرور موہ لیا تھا۔ اطلاعات کے مطابق ایک فلم کے پروڈیوسر جاوید صدیقی کو بھی اس لئے موت کے گھاٹ اتار دیا گیا تھا کیونکہ اس نے انیتا ایوب کو کاسٹ کرنے سے انکار کردیا تھا۔

مونیکا بیدی اور ابوسلیم

مونیکا بیدی کو بولی وڈ میں کون نہیں جانتا۔ مونیکا بیدی اور انڈرورلڈ ڈان ابو سلیم کے بارے میں کہا جاتا ہے کہ دونوں ایک دوسرے کے عشق میں گرفتار ہوگئے اور کہا جاتا ہے کہ ابوسلیم کا کہنا تھا کہ وہ اسکا مونیکا سے عشق سچا ہے اور وہ اسکے عشق کے ساتھ ہی ساری زندگی گزارنا چاہتا ہے۔

ممتا کلکرنی اور وکرم گوسوانی

ممتا کلکرنی کے بارے میں بھی کہا جاتا ہے کہ ان کے بھی ڈرگ مافیا میں انتہائی مضبوط روابط تھے اور انہوں نے چھوٹا راجن کے ذریعے بولی وڈ فلموں میں کئی کردار حاصل کیے۔ اور یہی نہیں۔ بعدازاں ممتا نے وکرم گوسوانی سے شادی کرلی تھی اور کہا جاتا ہے کہ یہ دونوں ہیروئن کی اسمگلنگ میں بھی ملوث رہے ہیں۔

سونا اور حاجی مستان

سونا بھی بھارت میں فلموں میں کام کرتی تھیں اور ان کی اداکارہ مدھوبالا سے انتہائی مشابہت تھی۔ حاجی مستان کے بارے میں کہا جاتا ہے کہ وہ مدھوبالا کے بہت بڑے فین رہے ہیں اور اسکی وجہ سے انہوں نے اداکارہ سونا سے بھی شادی کی ہے۔ تاہم اس حوالے سے تصدیق نہیں ہوسکی کہ آیا سونا نے فلم میں کوئی کردار حاجی مستان کی وجہ سے حاصل کیا ہے یا نہیں ، لیکن اس حوالے سے گمان کیا جاسکتا ہے کہ ادھر بھی معاملہ کچھ ایسا ہی ہوگا۔

Courtesy: nyozflix.com