سال 2018 بس شروع ہونے ہی والا ہے اور سنیما لوورز کے لئے اچھی خبر یہ ہے کہ آنے والے سال میں بے شمار ایکشن، تھرل اور کامیڈی سے بھرپور بولی وڈ فلمیں ریلیز ہونے والی ہیں۔

آج ہم آپ کو بولی وڈ کی ان 11 فلموں کے بارے میں بتانے جارہے ہیں جو 2018 میں ریلیز کی جائیں گی اور عوام کی جانب سے ان کا بے صبری سے انتظار کیا جارہا ہے۔

ویر دی ویڈنگ

اس فلم میں کرینہ کپور، سونم کپور، سوارا بھاسکر اور شیکھا تلسانیا لیڈ رول میں نظر آئیں گی۔ فلم میں سُمیت ویاس کرینہ کے بوائے فرینڈ کا کردار نبھائیں گے۔ یہ فلم بھی اگلے سال ریلیز کی جائے گی جس کا سنیما لووزر بے صبری سے انتظار کررہے ہیں۔

رازی

فلم میں عالیہ بھٹ اور وکی کوشل لیڈ رولز میں نظر آئیں گے۔ اس فلم کی کہانی 1971 کی پاک بھارت جنگ کے دوران کشمیری لڑکی کی پاکستانی لڑکے سے شادی کے گرد گھومتی ہے۔

ٹھگز آف ہندوستان

ٹھگز آف ہندوستان کو یش راش فلم کا ایڈوینچر سے بھرپور پراجیکٹ کہا جارہا ہے۔ اس فلم میں میگا اسٹار امیتابھ بچن، عامر خان، فاطمہ ثناء شیخ، جیکی شروف اور ششانک اروڑا شامل ہیں۔ یہ فلم 2018 کی دیوالی پر ریلیز کی جائے گی۔

پدمن

اس فلم کی بنیاد ٹوئنکل کھنّا کی کتاب ہے اور اس میں ان کے شوہر اکشے کمار مرکزی کردار ادا کریں گے۔

پری

فلم 'پری' میں انوشکا شرما کے پہلے لُک نے ہی لوگوں میں کھلبلی مچادی تھی۔ اس فلم میں انوشکا کے ساتھ پرمبراتا چیٹرجی مرکزی کردار ادا کریں گے جبکہ  پروست روئے کا بھی ڈیبیو ہورہا ہے۔

فنّے خان

فنّے خان ایک اور ایسی فلم ہے جس کا مداح بے صبری سے انتظار کررہے ہیں۔ اس فلم میں انیل کپور، ایشوریا رائے بچن اور راج کمار راؤ مرکزی کردار ادا کرتے نظر آئیں گے۔ یہ بھی اگلے برس ریلیز کی جائے گی۔

باغی ٹو

یہ فلم ٹائیگر شروف کی ہی فلم باغی کا سیکوئل ہے۔ اس فلم میں ٹائیگر شروف کے ہمراہ انہی کی گرل فرینڈ دشا پٹانی مرکزی کردار ادا کریں گی۔

ٹو پوائنٹ زیرو

اگر اس فلم کو سب سے زیادہ انتظار کی جانے والی فلم کہا جائے تو بے جا نہ ہوگا۔ اس فلم میں رجنی کانتھ، اکشے کمار اور ایمی جیکسن مرکزی کردار ادا کررہے ہیں۔ اس فلم کے بجٹ کا اندازہ تقریباً 450 کروڑ بھارتی روپے لگایا گیا ہے۔

کیدارناتھ

کیدارناتھ میں سیف علی خان اور امرتا سنگھ کی بیٹی سارہ علی خان ڈیبیو کررہی ہیں جبکہ ان کے مخالف سُشانت سنگھ راجپوت مرکی کردار ادا کررہے ہیں۔

گولڈ

اس فلم میں بھی اکشے کمار لیڈ رول میں نظر آئیں گے۔ اکشے کمار نے جب سے اس فلم کا اپنا فرسٹ لُک شیئر کیا ہے مداحوں کی دلچسپی اور بڑھ گئی ہے۔

ہرش وردھن کپور کا ریوینج ڈرامہ، ہدایتکار وکرم ادیتیا موٹوانی

چاہے ہرش وردھن کپور کی پہلی فلم باکس آفس پر اتنی کامیاب نہ رہی ہو مگر ان کی اداکاری نے ان کے ڈیبیو کو شاندار بنایا۔ اب وہ اس ریوینج ڈرامے میں اپنی صلاحیتوں کا لوہا منوانے کو تیار ہیں۔

Thanks to indiatimes