پاکستان سپر لیگ اپنے پورے آب و تاب کے ساتھ امارات کے صحرا میں جلوہ گر ہوچکا ہے۔ لیگ میں نہ صرف دنیا بھر کے مشہورِ زمانہ کرکٹرز بلکہ شوبز انڈسٹری سے تعلق رکھنے والے افراد بھی اپنے جلوے بکھیر رہے ہیں۔

آج ہم آپ کو ان شوبز شخصیات کے بارے میں بتانے جارہے ہیں جو کرکٹ کے دیوانے ہیں اور اپنی اپنی ٹیم کو بھرپور سپورٹ کررہے ہیں۔ ذیل میں جانیئے کونسی مشہور شخصیت کس ٹیم کو سپورٹ کررہی ہے۔

حمیمہ ملک اور حمزہ علی عباسی

 حمیمہ اور حمزہ علی دونوں دفائی چیمپیئن پشاور زلمی کو سپورٹ کررہے ہیں، دونوں کے دل میں کرکٹ کے لئے اچھی خاصی عزت موجود ہے۔ پشاور دونوں کی ہوم ٹیم ہے۔

فواد خان اور علی ظفر

پاکستانی شوبز انڈسٹری کے دو نامور نام فواد خان اور علی ظفر پہلے سیزن کی فاتح اسلام آباد یونائیٹڈ کو سپورٹ کررہے ہیں، ان دونوں اسٹارز کے بارے میں کہا جاتا ہے کہ یہ کرکٹ کو خوب انجوائے کرتے ہیں۔

عائشہ عمر اور عدنان صدیقی

صرف عائشہ عمر اور عدنان صدیقی ہی نہیں بلکہ فیصلی قریشی، سہیل علی ابڑو، احسن خان اور کئی سپر اسٹارز کراچی کنگز کو سپورٹ کررہے ہیں۔

عارف لوہار اور اسرار

گلوکاروں کو پی ایس ایل کی ٹیموں کو سپورٹ کرتے دیکھ کر خاصی خوشی ہوتی ہے، عارف لوہار اور اسرار ترانے گا کر پاکستان سپر لیگ کو سپورٹ کررہے ہیں۔