پاکستان فلم انڈسٹری اپنے پیروں پر کھڑی ہوچکی ہے ،ا س کی واضح مثال بہترین اور کامیاب فلموں نہ ختم ہونے والا سلسلہ ہے،بہترین اسکرپٹ،بڑا بجٹ ،جاندار اداکاری اور خوبصورت کاسٹ کے ساتھ ہماری فلمیں بین الاقوامی سطح پر مشہور ہورہی ہیں۔

حال ہی میں بننے والی ایکشن اور کامیڈی سے بھرپور پاکستانی فلم بچانا ریلیز ہوئی ،فلم کی کاسٹ میں پاکستان کی بہترین اداکارہ صنم سعید اور باصلاحیت اداکار محب مرزا شامل ہیں۔

صنم فلم میں ایک بہادر بھارتی لڑکی عالیہ کا کردار نبھا رہی ہیں جبکہ محب پاکستانی ٹیکسی ڈرائیور وکی بنے ہوئے ہیں ،فلم کی کہانی میں بہترین کامیڈی کے ساتھ دلچسپ مکالمات کا استعمال بھی بہت خوبی کے ساتھ کیا گیا ہے جسے دیکھ کر آپ محظوظ ہوئے بناءنہیں رہ سکیں گے۔

آج ہم آپ کو فلم بچانا کے بارے میں پانچ دلچسپ چیزیں بتائیں گے جسے پڑھ کر آپ خود کو یہ فلم دیکھنے سے روک نہیں پائیں گے۔

٭خوبصورت پس منظر

فلم کی شوٹنگ موریشس میں کی گئی ہے ،اگر آپ قدرتی حسین مناظر کے دلدادہ ہیں تو آپ کو یہ فلم ضرور دیکھنی چاہئے،کیونکہ فلم میں قدرت کے حسین مناظر کی بھرپور عکاسی کی گئی ہے۔

٭خوبصورت موسیقی

فلم بچانا میں صرف تین گانے شامل کئے گئے ہیں لیکن تینوںگانے آپ کو مایوس نہیں کریں گے،فلم میں کوئی آئیٹم نمبر شامل نہیں کیا گیا ،صورتحا ل کے مطابق بہترین موسیقی شامل کی گئی ہے۔

٭بہترین اسکرپٹ

فلم کااسکرپٹ بہترین اور سادہ ہے،فلم میں ایسی کوئی پیچیدگی شامل نہیں کی گئی جس سے ناظرین بوریت کا شکار ہوجائیں۔
٭پاک بھارت کا حسین امتزاج

بھارت کی جانب سے پاک بھارت موضوعات پر بنائی گئی فلمیں ہمیشہ بیزاری کا سبب بنتی ہیں جنہیں دیکھنے کا دل بھی نہیں چاہتا،لیکن فلم بچانا میں ایسی کوئی بات نہیں ہے ،یہ محبت کی کہانی ہے جس میں بہترین کامیڈی کا ستعمال کیا گیا ہے جو آپ کو بالکل بھی بور نہیں ہونے دے گا۔

٭بہترین کاسٹ اور اداکاری

فلم کی سب سے خاص بات فلم کی کاسٹ اور بہترین اداکاری ہے،فلم دیکھ کر آپ کو بالکل احساس نہیں ہوگا کہ یہ انٹرنیشنل لیول کی فلم نہیں ہے بلکہ آپ فلم کو بہت زیادہ انجوائے کریں گے۔