صحافیوں کی بین الاقوامی تنظیم نے نو مئی کو لیکس کی دوسری قسط جاری کرنے کا اعلان کیا ہے۔

پاناما پیپرز پر کام کرنے والا صحافیوں کا بین الاقوامی کنسورشیم نو مئی کو آف شور کمپنیوں کی نئی فہرست جاری کرے گا۔ آئی سی آئی جے کے رکن عمر چیمہ نے بھی آج نیوز کو بتایا کہ کہ اس فہرست میں پاکستان کے سیاستدانوں کے ساتھ کاروباری افراد کے نام بھی افشاں ہوں گے۔

انٹرنیشنل کنسورشیم آف انویسٹی گیٹو جرنلسٹس نو مئی کو قابل تلاش ڈیٹا بیس جاری کرے گا۔جس میں مجموعی طور پر دو لاکھ سے زائد کمپنیوں کے بارے میں معلومات ہوں گی۔

موساک فونسیکا کے جاری کردہ پیپرز میں دنیا کے اکیس ٹیکس فری علاقوں میں قائم کمپنیاں شامل ہوں گی۔ان ٹیکس فری ریاستوں اور ممالک میں ہانگ کانگ سے امریکی ریاست نیواڈا تک علاقے شامل ہیں۔فہرست میں شامل افراد کا تعلق دنیا کے دو سو سے زائد ممالک سے ہے۔