اسلام آباد:وزیراعظم عمران خان نے لائن آف کنٹرول (ایل او سی )پر بھارتی فوج کی جانب سے شہری آبادی پر بلااشتعال فائرنگ کی شدید مذمت کی ہے۔

پاک فوج کی جانب سے لائن آف کنٹرول کے مختلف سیکٹرز پر بھارتی دراندازی کا زبردست انداز سے جواب دیا گیا، اس اقدام کو وزیر اعظم نے سراہا اور زخمیوں کی جلد صحت یابی کے لیے دعا کی۔

وزیراعظم عمران خان نے بھارتی فوج کی شہری آبادی پر بلااشتعال فائرنگ کی شدید مذمت کی اور پاک فوج کے جوان اور شہریوں کی شہادت پر مرحومین کے درجات کی بلندی کے لیے بھی دعا کی ۔

وزیراعظم نے پاک فوج کو بھارتی فورسز کی دراندازی کا منہ توڑجواب دینے اورجرات و بہادری کے ساتھ مقابلہ کرنے پر انہیں سلام بھی پیش کیا۔