نئی دہلی: بھارتی گلوکار میکا سنگھ کو اس وقت بھارت میں شدید تنقید کا سامنا ہے جس کی وجہ ان کا ویڈیو میں پاکستان کو "ہمارا پاکستان" کہنا ہے۔

تفصیلات کے مطابق میکا سنگھ ممکنہ طور پر 12 اور 13 اگست کو شکاگو اور ہوسٹن میں جشن آزادی کے سلسلے میں پاکستان اور بھارت ملی نغمے پرفارم کریں گے۔

اسی حوالے سے میکا سنگھ نے ایک ٹویٹ بھی کیا جس میں لکھا "ہوسٹن اور شکاگو میرے ساتھ راک کرنے کے لئے تیار ہوجاؤ۔۔ میں آپ لوگوں کو راک کرنے آرہا ہوں"۔

Be ready to rock with me ..Housten and chicago.... I'm coming to rock you guys Jai hind:) pic.twitter.com/nTbvpF1g7P

— King Mika Singh (@MikaSingh) August 1, 2017

منتظمین کی جانب سے بھی میکا سنگھ کی ایک ویڈیو پوسٹ کی گئی جس میں میکا اپنی پرفارمنس کے حوالے سے آگاہ کررہے ہیں۔ ویڈیو میں ان کا کہنا تھا کہ میں پاکستان اور بھارت کی آزادی کا جشن منانے جا رہا ہوں "15 اگست کو ہمارا بھارت آزاد ہوا اور 14 اگست کو ہمارا پاکستان" انکی یہ ویڈیو ٹویٹر پر بہت زیادہ شیئر کی گئی اور سخت تنقید شروع ہوگئی۔

ٹویٹر صارفین کی جانب سے 40 سالہ گلوکار کو "ہمارا پاکستان" کہنے پر سخت تنقید کا نشانہ بنایا جارہا ہے کوئی کہتا ہے "آپ کو شرم آنی چاہیئے آپ پاکستان کی آزادی کا دن منارہے ہیں۔ کیا آپ جانتے نہیں پاکستان کی جانب سے روزانہ کتنے آرمی کے جوان مارے جاتے ہیں"؟

Shame on u @MikaSingh 😡😡😡😡u r supporting a country which has killed thousands of our civilians & army men....You r a disgrace #MikaSingh https://t.co/s9JCXdXNFZ

— Rudra k (@lord_mahakaal) July 22, 2017

یاد رہے میکا سنگھ نے بھارتی فلم انڈسٹری کے لئے کئی کامیاب گانے گائے ہیں ان میں "آج کی پارٹی میری طرف سے"، "ڈھنکا چکا" اور "موجا ای موجا" شامل ہیں۔

بشکریہ: این ڈی ٹی وی