بولی وڈ اداکار فرحان اختر کی نئی فلم لکھنؤسینٹرل نے باکس آفس پر دھیمی شروعات کے بعد رفتار پکڑ لی ہے۔بتایا جا رہا ہے کہ فلم نے باکس آفس پر چار کروڑ سے زائد رقم بٹور لی ہے۔

فلم نے اطلاعات کے مطابق ہفتے کے روز باکس آفس پر ڈھائی کروڑ سے زیادہ رقم جمع کی۔ معروف سنیما ناقد  اور بزنس تجزیہ کار تران آدرش نے اتوار کے روز ٹوئٹر پر ان اطلاعات کی تصدیق کی۔

رنجیت تیواری کی زیرِ ہدایت بننے والی فلم کو باکس آفس پر مزید بہتری دِکھانے کی ضرورت ہے۔

لکھنؤ سینٹرل میں فرحان اختر کے علاوہ گپی گریوال، ڈیانا پینٹی، دیپک ڈوبریال، انعام الحق، رونت رائے اور روی کسن نے اداکاری کے جوہر دِکھا ئے ہیں۔

بشکریہ زی نیوز