ممبئی:بھارتی فلم انڈسٹری  باصلا حیت ا داکاروں سے بھری پڑی ہے،وہاں نہ صرف بہترین اداکار موجود ہیں بلکہ نہایت خوبصورت آواز کے مالک انسان بھی موجود ہیں،جو اپنی آواز سے لوگوں کو متاثر کرنے کا کوئی موقع ہاتھ سے جانے نہیں دیتے۔

یہاں ان اداکاروں کی فہرست مرتب کی جارہی  ہے جنہوں نے ہالی وڈ فلموں کے بھارتی ورژن میں اپنی آواز کا جادو جگا کر مداحوں کو دیوانہ بنالیا ہے۔

ورون دھوان

ورون نے کیپٹن امریکا:سول وار میں اپنی آواز کا جادو جگایا ہے۔

پریانکا چوپڑا

دوہزار سولہ کی کامیاب قرار دی جانے والی فلم جنگل بک کے ہندی ورژن میں پریانکا نے کا کے کردار کیلئے اپنی آواز کا جادو جگا یا ہے۔

عرفان خان

بولی وڈ کے باصلاحیت اداکار عرفاں خان بھی کسی سے پیچھے نہیں،جنگل بک  کے کردار بالو کیلئے عرفان کی آواز استعمال کی گئی ہے۔

نا نا پاٹیکر

جنگل بک کے معروف کردار شیرے خان  کی گرج دار آواز کے پیچھے دراصل نانا پاٹیکر کی آواز ہے۔

سوناکشی سنہا

ہالی وڈ بلاک بسٹر فلم ریو 2 کے مرکزی کردار جوئیل میں سوناکشی اپنا آواز کا جادو جگاتی نظر آئیں۔

عمران خان

ریو2 میں بچوں کے پسندیدہ مرکزی  کردار بلیو  کیلئے عمران خان نے اپنی آواز دی ہے۔

شاہ رخ خان

بولی وڈ کنگ شاہ رخ خان کیوں کسی سے پیچھے رہیں؟ انہوں نے ہالی وڈ فلم مسٹر انکریڈایبل کے ہندی ورژن ہم ہیں لاجواب میں اپنی آواز کا جادو جگایا ہے۔

کرینہ کپور

خوبرو اور باصلاحیت اداکاری کرینہ کپور کے پاس خوبصورتی کے علاوہ  لاجواب آواز بھی ہے ،جس کامظاہرہ انہوں نےہالی وڈ فلم روڈ سائیڈ رومیو کے کردار لیلیٰ کیلئے کیا ہے۔

سیف علی خان

کرینہ کوئی کام کریں اور سیف پیچھے رہ جائیں ایسا کیسے ہو سکتا ہے؟لیلیٰ کے رومیو کی آواز سیف کی ہے۔

اکشے کمار

بولی وڈ کی اینیمٹڈ فلم جمبو میں اکشے نے مرکزی کردار جمبو کیلئے اپنی آواز کا جادو جگایا ہے۔

لارا دتہ

جمبو کی ہیروئن سونیا کی آواز کے پیچھے دراصل لارا دتہ کی آواز ہے۔