پاکستان فلم انڈسٹری  کی ماضی کی صف اول کی اداکارائیں دولت،شہرت حاصل کرنے میں کامیاب ہو چکی ہیں ،لیکن اُن کی جیون ساتھی کی تلاش ابھی بھی جاری ہے۔

اداکارہ میرا،نرما ،ریشم وغیرہ ماضی میں فلم انڈسٹری کی کافی مصروف اداکارائیں تھیں ،لیکن اب نئے ٹیلنٹ کے انڈسٹری میں  آنے کے باعث بہت کم اسکرین پر نظر آتی ہیں ۔

اپنے کیرئیر میں کئی کامیابیاں سمیٹنے کے بعد  بھی یہ اداکارائیں آج تک  جیون ساتھی کی تلاش میں مصروف ہیں ۔

میرا

میرا آج کل فلموں میں بیحد کم نظر آتی ہیں لیکن پھر بھی ان کا تعلق اسکرین سے ٹوٹا نہیں ہے،آئے روز کسی نہ کسی اسکینڈل میں ملوث نظر آتی ہیں ،ان کا سب سے بڑا اسکینڈل جس نے شہرت پائی  خفیہ  شادی کا اسکینڈل تھا جس کی میرا نے تردید کرتے ہوئے کہا تھا کہ ان کی کوئی شادی نہیں ہوئی اور وہ ابھی تک سنگل ہیں۔

لیلیٰ

اس فہرست میں  اداکارہ لیلیٰ بھی  جگہ بنانے میں کامیاب ہوگئی ہیں ،لیلیٰ بھی ابھی تک اپنا جیون ساتھی ڈھونڈنے میں مصروف ہیں،واضح رہے لیلیٰ اپنے آپ کو کوئین آف لالی وڈ  بھی کہتی ہیں۔

نرما

ماضی کی معروف اداکارہ نرما نے فلموں کے ساتھ  ٹی وی پر بھی قسمت آزمائی کی اور کامیاب رہیں، کیرئیر کی ابتداء میں نرما  کے مداحوں کی تعداد لاکھوں میں تھی،جو آج بھی جاننا چاہتے ہیں کہ انہوں شادی کیوں نہیں کی؟

زارا شیخ

اپنی پہلی ہی فلم  'تیرے پیار میں'کے ذریعے مقبولیت حاصل کرنے والی خوبصورت اداکارہ زارا شیخ بھی آج تک سنگل ہیں۔

ریشم

پاکستان فلم انڈسٹری کی باصلاحیت اداکارہ ریشم اپنی بہترین اداکاری کے باعث آج بھی شوبز انڈسٹری میں ایک خاص مقام رکھتی ہیں،فلموں کے علاوہ انہوں نے ٹی وی پر بھی یادگار کردار ادا کئے ہیں  پروفیشنل زندگی میں کامیابیاں سمیٹنے والی یہ اداکارہ آج بھی اپنے جیون ساتھی کی تلاش میں مصروف ہے۔

بشکریہ:اسٹائل ڈاٹ پی کے