سال 2016 اپنے اختتام کی جانب بڑھ رہا ہے۔یہ سال پاکستان ڈرامہ ا نڈسٹری کیلئے بہت ہی اچھا ثابت ہوا،بہت سے ڈرامے بنے جن میں سے کچھ لوگوں کو پسند آئے جبکہ کئی ڈراموں نے بے انتہا مقبولیت حاصل کی۔

اس  سال شوبز انڈسٹری پر چند بہترین آن اسکرین جوڑیاں لوگوں کی محبت اور بھرپور توجہ حاصل کرنے میں کامیاب رہیں۔

آئیے ان  آن اسکرین جوڑیوں پر ایک نظر ڈالتے ہیں

ہمایوں سعید،مہوش حیات

پاکستانی نجی چینل سے نشر ہونے والے ڈرامےمیں اپنی بہترین پرفارمنس  سے چھا جانے والے اداکارہمایوں سعید اور مہوش حیات کی جوڑی کو لوگوں نے بے تحاشہ پسند کیا۔

ڈرامے کی پہلی قسط سے ہی دونوں نے لوگوں پر جادو کردیا تھا یہ ہی وجہ ہے کہ 2016 کی مشہور آن اسکرین  جوڑیوں  میں ہمایوں اور مہوش   کا نام بھی شامل ہے۔

صباء قمر،زاہد احمد

پاکستان کی مشہور آن اسکرین جوڑیوں کی بات ہو اور صباء قمر اور زاہد احمد کا ذکر نہ ہو یہ کیسے ممکن ہے۔

ایک نجی چینل  سے نشر ہونے والے ڈرامے میں دونوں کی اداکاری کو بیحد پسند کیا گیا تھا،اس ڈرامے کے ذریعے شوبز انڈسٹری میں  ایک خوبصورت آن اسکرین جوڑی کا اضافہ ہوگیا۔ یقیناً مستقبل میں  لوگ انہیں مزید ڈراموں میں ایک ساتھ دیکھنا چاہیں گے۔

فرحان سعید،عروہ حسین

فرحان اور عروہ کی خاص بات یہ ہے کہ یہ نہ صرف ٹی وی کی مشہور جوڑی ہے بلکہ حقیقت میں بھی ایک خوبصورت کپل ہے کیونکہ سننے میں آ رہا ہے کہ دونوں  بہت جلد شادی کے بندھن میں بندھنے والے ہیں۔

نجی چینل سے نشر ہونے والے ڈرامے میں دونوں کی اداکاری بیحد پسند کی گئی تھی۔

حمزہ علی عباسی،مایا علی

رواں سال  کے ایک اور مقبول ڈرامےکی مشہور جوڑی منو اور صلاح الدین (حمزہ علی عباسی ،مایا علی) کا شمار رواں سال کی  بہترین آن اسکرین جوڑیوں میں ہوتا ہے، جس نے ڈرامے کے اختتام تک لوگوں کو اپنے سحر میں جکڑے رکھا۔

 trendsinpk.comبشکریہ