آنکھوں کے گرد سیاہ حلقوں کا ہوجانا بہت عام سی بات ہوچکی ہے۔ لوگ اس پر کوئی توجہ نہیں دیتے جس کے باعث یہ بڑھتے ہی چلے جاتے ہیں۔

لیکن صرف نیند کی کمی کے باعث ہی آنکھوں میں حلقےنہیں پڑتےبلکہ اس کے علاوہ بھی کئی وجوہات ہیں اور وہ وجوہات کیا ہیں؟ آئیے جانتے ہیں۔

٭ جینیٹکس

جن بچوں کے والدین کی آنکھوں کے گرد سیاہ حلقے ہوتے ہیں تو عین ممکن ہے کہ ان کے بچوں میں بھی یہ چیز پیدائشی طور پر موجود ہو۔کچھ بچے جیسے بڑے ہوتے جاتے ہیں ان کے حلقے ختم ہوجاتے ہیں لیکن کچھ بچے اس سے نجات نہیں حاصل کرپاتے۔

٭ سینے کی جکڑن

سینے میں جکڑن کے باعث آنکھوں کے گرد حلقے پڑجاتے ہیں اور یہ وقتاً فوقتاً بڑھتے چلے جاتے ہیں۔

٭نیند کی زیادتی

نیند کی کمی کے ساتھ نیند کی زیادتی سے بھی آنکھوں میں حلقے آجاتے ہیں۔

٭زیادہ نمک کھانا

زیادہ نمک کھانے سے بھی آنکھوں کے گرد حلقے آنے لگتے ہیں۔

اگر آپ گہرے سیاہ حلقوں سے چھٹکارہ پانا چاہتے ہیں تو دئیے گئے ٹوٹکے پر عمل کریں۔ اس سےحلقے ختم ہوجائیں گے اور آنکھوں خوبصورت اور پررونق لگیں گی۔

ماسک کے لئےآپ کو 1 کھانے کا چمچہ شہد، 1 کھانے کا چمچہ فریش کھیرے کا جوس اور 1 کھانے کا چمچہ تازہ کچلا ہوا آلودرکار ہیں۔

ان تمام اجزاء کو اچھی طرح مکس کرلیں اور پھر اپنے چہرے پر یہ ماسک لگالیں۔ ماسک کو 15 منٹ بعد واش کرلیں۔

یہ ماسک روزانہ چہرے پر لگائیں۔ اگر آپ چاہیئں تو اس مکسچر کو بہت سارا بناکر فریج میں بھی رکھ سکتے ہیں۔

نوٹ: یہ مضمون محض عام معلومات کےلئے ہے، اس پر عمل کرنے سے قبل اپنے معالج سے ضرور مشورہ کرلیں۔