اذان سے متعلق نامناسب ٹویٹ کرنے پر سونو نگم پر کڑی تنقید

زنیرا غوری
شائع 17 اپريل 2017 10:05am
لائف اسٹائل

sonu2

ممبئی :سوشل میڈیا صارفین اس وقت سخت صدمے کا شکار ہوگئے جب بولی وڈ کے مشہور  گلوکار سونو نگم   نے پیر کی صبح  اذان  کے بارے میں نازیبا ٹویٹس کیں۔

ہندوستان ٹائمز کے مطابق گلوکار سونو نگم  نے پیرکی صبح اذان اور مساجد میں لاؤڈ اسپیکرز کے بارے میں نامناسب ٹویٹس کرکے   مسلمانوں کے ساتھ غیر مسلموں کا دل بھی دکھایا ،انہوں نے ٹویٹس میں لکھا کہ "میں مسلمان نہیں ہوں ،لیکن مجھے روز صبح  اذان کی آوا ز سے جاگنا پڑتا ہے ،انڈیا میں یہ جبری  مذہب پرستی (دینداری)کب  ختم ہوگی"۔

انہوں نے  یہ ٹویٹس لکھتے وقت کچھ بھی نہیں سوچا کہ ان کے اس عمل کا کیا انجام ہوگا وہ بناء سوچے سمجھے متنازعہ ٹویٹس لکھتے چلے گئے۔ انہوں نے ایک اور ٹویٹ میں لکھا کہ " جب اسلام آیا تھا اس زمانے میں بجلی نہیں تھی ،لہٰذا ایڈیسن کے بعد  ہم یہ سب کیوں برداشت کریں؟  

" کسی مندر یا گردوارے  میں لوگوں کو جگانے کیلئے  بجلی استعمال نہیں ہوتی تو یہ سب کیوں؟"

انہوں نے یہاں تک کہہ دیا کہ "غنڈہ گردی ہے،بس"  

ان کے سوشل میڈیا پر جاری کیے جانے والے ان پیغامات نے نہ صرف مسلمانوں کے جذبات کو ٹھیس پہنچائی بلکہ لوگوں کو  سخت حیران پریشان کردیا ،ان کے ان پیغامات کے جوابات میں سوشل  میڈیا صارفین کی جانب سے انہیں سخت تنقید کا نشانہ بنایا جا رہا ہے۔

ایک صارف نے لکھا کہ "ہم  اجتماعی مذاہب والے  معاشرےمیں رہتے ہیں  لہٰذا تمام مذاہب کی عزت کریں اور انہیں قبول کریں۔"

یہاں تک کہ غیر مسلم لوگوں نے بھی سونو کی اس حرکت پر  گہرے دکھ کا اظہار کیا   ایک اور صارف نے سونو نگم کو کڑی تنقید کا نشانہ بناتے ہوئے لکھا کہ "اذان کو بھارت میں بند ہو جانا چاہئے ،جہاں لاکھوں مسلمان رہتے ہیں ،کیونکہ دیش کا لاڈلہ  سونو نگم سو نہیں پاتا ،آپ کی برداشت کہاں گئی؟"  

ایک اور صارف نے لکھا کہ  "میں آپ  کا بہت بڑا مداح ہوں ،لیکن یہ بہت برا اور نازیبا بیان تھا ،آپ کو دوسرے مذاہب کی عزت کرنی چاہئے ،یہ ایک جمہوری  ملک ہے"۔

ایک صارف نے انہیں آڑے ہاتھوں لیتے ہوئے کہا کہ آ پ پر کون جبر کررہا ہے،کان میں روئی گھسا کر   سویا کریں "۔  

thanks to: timesofindia

مزید خبریں
مقبول ترین
تازہ ترین