“نواز شریف کے پلیٹ لیٹس کی بجائے لندن سے پلیٹوں اورچمچوں کی کھنک آتی ہے”
اسلام آباد:وزیراعظم کی معاون خصوصی برائے اطلاعات ونشریات فردوس عاشق اعوان نے کہا ہے کہ نوا ز شریف کے ”پلیٹ لیٹس“ کے بجائے لندن سے پلیٹوں اورچمچوں کی کھنک آتی ہے، میڈیکل رپورٹ کے ساتھ ”مینیو کارڈ“ بھی بتایا جائے۔
معاون خصوصی برائے اطلاعات فردوس عاشق اعوان نے اپنے ٹویٹ میں شریف خاندان اور ن لیگ پر تنقید کرتےہوئے کہا کہ لیگی راہنما ءسیاہ کو سفید نہیں کرسکتے ، حمزہ شہباز کی ضمانت کا مطلب بریت نہیں ،سچائی سے بھاگنے والوں کو بھاگنے نہیں دیں گےاور عوام کو مزید گمراہ نہیں کیا جاسکتا، قوم کے سامنے سچائی آ کر رہے گی۔
لیگی راہنما سیاہ کو سفید نہیں کر سکتے۔حمزہ شہباز کی ضمانت کا مطلب بریت نہیں۔سچائی سے بھاگنے والوں کو بھاگنے نہیں دیں گے۔عوام کو مزید گمراہ نہیں کیا جاسکتا قوم کے سامنے سچائی آکر رہے گی۔
— Dr. Firdous Ashiq Awan (@Dr_FirdousPTI) February 7, 2020
احسن اقبال کے بیان پر فردوس عاشق اعوان نے کہاکہ احسن اقبال صاحب جیلوں میں قید دیگر قیدیوں کی بھی بیٹیاں ہیں،جو سوال کر رہے ہیں کہ ان سے امتیازی سلوک کیوں ؟ قانون کوخواہشات کی بلی نہیں چڑھایا جا سکتا، ہرصورت قانون کی عملداری یقینی بنائیں گے۔
احسن اقبال صاحب جیلوں میں قید دیگر قیدیوں کی بھی بیٹیاں ہیں۔وہ سوال کر رہی ہیں کہ ان سے امتیازی سلوک کیوں ؟قانون کو خواہشات کی بلی نہیں چڑھایا جا سکتا۔ہرصورت قانون کی عملداری یقینی بنائیں گے۔
— Dr. Firdous Ashiq Awan (@Dr_FirdousPTI) February 7, 2020
نوازشریف سے متعلق معاون خصوصی نے کہا کہ نوازشریف شدید بیماری کا بیان دے کرلندن گئے لیکن ابھی تک اسپتال میں داخل نہیں ہوئے، میڈیکل رپورٹس نے بھی ”قطری خط“ کا درجہ حاصل کر لیا ،کہتے ہیں جب تک اسپتال میں داخل نہیں ہوتے میڈیکل رپورٹس نہیں بھجواسکتے۔
محمد نوازشریف شدید بیماری کا بیان دے کر لندن گئے اور ابھی تک ہسپتال میں داخل نہیں ہوئے۔ ان کی میڈیکل رپورٹس نے بھی ”قطری خط“ کادرجہ حاصل کرلیا ہے۔ کہتے ہیں جب تک ہسپتال میں داخل نہیں ہوتے میڈیکل رپورٹس نہیں بھجواسکتے۔
— Dr. Firdous Ashiq Awan (@Dr_FirdousPTI) February 7, 2020
فردوس عاشق اعوان نے مزید کہا کہ ’شریفوں‘ نے قواعد وضوابط سے جوکھلواڑ کیا، اس کا سلسلہ اب بھی جاری ہے،اب میاں صاحب کے ”پلیٹ لیٹس“ کی خبر کے بجائے لندن کے ریستوران سے پلیٹوں اورچمچوں کی کھنک سنائی دیتی ہیں ، میڈیکل رپورٹ کے ساتھ ”مینیو کارڈ“ بھی قوم کوبتایا جائےتاکہ قوم کو حقائق کا پتہ چل سکے۔
’شریفوں‘ نے قواعدوضوابط سے جو کھلواڑ کیا، اس کا سلسلہ اب بھی جاری ہے۔ اب میاں صاحب کے ”پلیٹ لیٹس“ کی خبر کی بجائے لندن کے ریستوران سے پلیٹوں اور چمچوں کی کھنک سنائی دیتی ہیں۔ میڈیکل رپورٹ کے ساتھ مریض کا ”مینیو کارڈ“ بھی قوم کو بتایاجائے تاکہ قوم کو حقائق کا پتہ چل سکے۔
— Dr. Firdous Ashiq Awan (@Dr_FirdousPTI) February 7, 2020
Comments are closed on this story.