'بلاول صاحب! کراچی کے مسائل سیاسی اتحاد توڑنے سے حل نہیں ہوں گے'
اسلام آباد:وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان کا کہنا ہے عمران خان نے قوم کو جوڑ توڑ اور لین دین کی سیاست سے پاک کردیا ، کراچی کا اصل مسئلہ ایک دہائی سے سندھ پر مسلط کرپٹ ٹولہ ہے،سیاسی مخالفین اب چور دروازہ ڈھونڈ رہے ہیں۔
فردوس عاشق اعوان کا اپنے ایک ٹویٹ میں کہنا تھا عوام نے تحریک انصاف کو مینڈیٹ دیا ہے، اتحادیوں کے ساتھ مل کر عوامی مسائل حل کریں گے، عوام اور سیاست کے میدان میں ناکام ہونے کے بعد سیاسی مخالفین سیاسی نقب زنی لگانے کی کوشش میں ہیں۔
عوام نے پاکستان تحریک انصاف کو مینڈیٹ دیا ہے۔اتحادیوں کے ساتھ مل کر عوامی مسائل حل کریں گے۔عوام اور سیاست کے میدان میں ناکام ہونے کے بعد سیاسی مخالفین چور دروازہ ڈھونڈ رہے ہیں اور سیاسی نقب زنی لگانے کی کوشش میں ہیں۔
— Firdous Ashiq Awan (@Dr_FirdousPTI) December 31, 2019
معاون خصوصی نے مزید کہا کہ بلاول صاحب! کراچی کے مسائل سیاسی جماعت کا اتحاد توڑنے سے نہیں کرپشن، لوٹ مار اور کمیشن سے اتحاد توڑنے پر حل ہوں گے، جب تک کرپٹ رہے گا سندھ اور کراچی کی قسمت نہیں بدلے گی،ان کی سیاہ حرکتوں کی وجہ سے پاکستان کے عوام نے ان سے سیاسی اتحاد توڑا۔
بلاول صاحب! کراچی کے مسائل سیاسی جماعت کا اتحاد توڑنے سے نہیں کرپشن، لوٹ مار اور کمیشن سے اتحاد توڑنے پر حل ہوں گے۔کراچی کا اصل مسئلہ ایک دہائی سے سندھ پر مسلط کرپٹ ٹولہ ہے۔جب تک وہ رہے گا سندھ اور کراچی کی قسمت نہیں بدلے گی۔
— Firdous Ashiq Awan (@Dr_FirdousPTI) December 31, 2019
فردوس عاشق اعوان کا کہنا تھا بلاول کو حقیقی جمہوری رویوں سے ثابت کرنا ہوگا کہ وہ ذوالفقار علی بھٹو اور بی بی شہید کی عوامی سیاست کے وارث ہیں۔
ان کی سیاہ حرکتوں کی وجہ سے پاکستان کے عوام نے ان سے سیاسی اتحاد توڑا۔وزیراعظم عمران خان نے قوم کو جوڑ توڑ اور لین دین کی سیاست سے پاک کردیا ہے۔بلاول کو حقیقی جمہوری رویوں سے ثابت کرنا ہوگا کہ وہ ذوالفقار علی بھٹو اور بی بی شہید کی عوامی سیاست کے وارث ہیں۔
— Firdous Ashiq Awan (@Dr_FirdousPTI) December 31, 2019
Comments are closed on this story.