لاہور میں اقبال ٹاؤن کی حدود میں ڈکیتی کی وارادت کا افسوس ناک واقعہ سامنے آگیا، کل حج پر جانے والا شہری ٖڈاکوؤں کی گولیوں کا نشانہ بن گیا۔

اقبال ٹاؤن نجف کالونی کی حدود میں ڈکیتی مزاحمت پر باپ قتل جبکہ بیٹا زخمی ہو گیا ۔ بیٹا شعیب بینک سے پیسے نکلوا کر گھر جا رہا تھا کہ ڈاکوؤں نے پیچھا کیا۔

پولیس کے مطابق گھر کے دروازے پر ڈاکوؤں نے شعیب پر اندھا دھند فائرنگ کر دی بیٹے کو بچانے باپ باہر آیا تو ڈاکوؤں نے اس کے سینے پر گولی ماردی۔

پولیس کے مطابق قتل ہونے والا شہری کل اہلیہ کے ہمراہ حج پر جا رہا تھا۔