جیسا کہ ہم سب جانتے ہیں سلمان خان انتہائی شائستہ اور دل پھینک مزاج کے مالک ہیں۔ انہوں نے کئی نوجوان اور باصلاحیت اداکاراؤں کو فلموں میں اداکاری کرنے کے مواقع فراہم کئے اور اس بات کو بھی نظرانداز نہیں کیا جاسکتا کہ انہوں نے جس بھی اداکارہ کو بولی وڈ میں موقع دلوایا وہ کامیاب ہی رہی۔ یہی وہ تمام کارنامے ہیں جو انہیں واقعی بولی وڈ کا سلطان بناتے ہیں۔

آج ہم آپ کو ان مشہور و معروف اداکاراؤں کے بارے میں بتانے جارہے ہیں جنہیں خود سلمان خان نے بولی وڈ انڈسٹری میں لانچ کیا۔ تو آئیے جانتے ہیں:

کترینہ کیف – میں نے پیار کیوں کیا

بولی وڈ کی باربی ڈول اور لاکھوں دلوں پر راج کرنے والی کترینہ کیف کو سلمان خان ہی نے بولی وڈ میں اداکاری کا موقع دلوایا۔

روینا ٹنڈن – پتھر کے پھول

روینا کے کیریئر کو پروان چڑھانے میں بھی سلمان خان کا بہت بڑا کردار ہے انہوں نے روینا کو انکی پہلی فلم میں ادکاری اور لُکس کو بے حد سراہا۔

سوناکشی سنہا - دبنگ

بولی وڈ خوبرو اور دبنگ اداکارہ سوناکشی سنہا بھی سلمان خان ہی کی مرہونِ منت بولی وڈ میں اپنے قدم جما پائیں۔

ایشوریا رائے بچن – ہم دل دے چکے صنم

سلمان خان اور ایشوریا کے درمیان کیمسٹری سے کون واقف نہیں ہے۔ فلم ہم دل دے چکے صنم سے قبل ایشوریا محض ایک جدوجہد کرتی ہوئی اداکارہ تھیں لیکن سلمان خان کے ساتھ کام کرنے سے ان کے کیریئر کو چار چاند لگ گئے۔

بھومیکا چاولہ – تیرے نام

بھومیکا چاولہ وہ خوش نصیب اداکارہ ہیں جن کے ساتھ روینہ ٹنڈن کے بعد سلمان خان نے ڈیبیو فلم میں کام کرنے کے لئے حامی بھری۔ روینہ کے بعد 12 سال تک سلمان نے کسی ڈیبیو فلم کرتی اداکارہ کے ساتھ کام نہیں کیا۔

زرین خان - ویر

بولی وڈ کی ایک اور خوبرو اداکارہ جن کے بارے میں کہا جاتا ہے کہ وہ کترینہ سے کافی مشابہت رکھتی ہیں انہیں بھی سلمان خان نے ہی لانچ کیا۔ انہیں سلمان خان کے ساتھ فلم ویر میں اداکاری کا موقع ملا جس کے بعد انہوں نے ہاؤس فل 2 جیسی کامیاب فلمیں بولی وڈ کو دیں۔

عائشہ جلکا – قربان

قربان مووی عائشہ کے کیریئر کی پہلی کامیاب فلم تھی جس میں انہوں نے سلمان خان کے ساتھ اداکاری کے جوہر دکھائے تھے۔ تاہم قربان کے بعد انہوں نے بھی بولی وڈ میں کئی کامیاب فلموں کے ذریعے اپنی شناخت بنائی۔

ڈیزی شاہ – جے ہو

فلم جے ہو میں سلمان خان کو ڈیزی شاہ کے ساتھ رومانس کرتے دیکھا گیا جو ڈیزی کے کیریئر کو شہرت کی اونچائیوں پر لے گیا۔

سنیہا علل – لکی نو ٹائم فور لَو

سنیہا کے بارے میں سب سے انوکھی بات یہ ہے کہ وہ دکھنے میں بالکل ایشوریا رائے بچن جیسی نظر آتی ہیں۔ انہیں بھی سلمان خان کے ساتھ فلم لکی میں کام کرنے کے بعد خاصی شہرت حاصل ہوئی۔

چاندنی – صنم بے وفا

چاندنی صرف اور صرف سلمان خان کے ساتھ کی گئی فلم صنم بے وفا میں ہی کامیاب ثابت ہوئیں لیکن اس کے بعد وہ پھر کھو گئیں۔