ممبئی: بالی وڈ کے سپر اسٹار سنجے دت نے ایک ٹی وی انٹرویو کے دوران بھارت کو بچوں اور خواتین کیلئے غیر محفوظ ملک قرار دے دیا۔

فلم کی تشہیری مہم کے دوران صحافی  کے سوال کے جواب میں سنجے دت نے کہا کہ بھارت خواتین اور بچوں کیلئے غیر محفوظ ملک ہے اور گڑگاؤں میں اسکول کے بچے کا قتل بھی ہماری سوسائٹی کیلئے شرمناک ہے۔

سنجے دت نے کہا کہ میں بھی بال بچوں والا ہوں اور خواتین پر تشدد اور جنسی زیادتی کے واقعات کی مذمت کرتا ہوں، جبکہ میں خواتین کی خودمختاری، تحفظ اور تشدد کے خاتمے پر یقین رکھتا ہوں۔

بھارتی اداکار کا کہنا تھا کہ بھارت میں ہونے والے حالیہ واقعات ہم نے اپنے بچپن میں سنے بھی نہیں تھے لیکن اب علم نہیں کہ حالا ت کو کیا ہو رہا ہے، ہمارا انصاف کا سسٹم بہت سست ہے۔

یاد رہے کہ گزشتہ دنوں بھارت کے شہر گڑگاؤں میں 7 سالہ بچے کی لاش اسکول سے برآمد ہوئی تھی جسے اسکول بس کے ڈرائیور نے زیادتی کے بعد قتل کردیا تھا۔

https://youtu.be/8mfomEYuJiE

بشکریہ NDTV