بولی وڈ انڈسٹری میں ہر اداکار کے نصیب میں کامیابی نہیں آتی لیکن کچھ اداکارائیں ایسی بھی ہیں جنہوں نے کامیابی کی اونچائیوں کو چھونے کے بعد اچانک بولی وڈ سے رخصت لے لی۔

آج ہم آپ کو بولی وڈ کی ان اداکاراؤں کے بارے میں بتانے جارہے ہیں جنہوں نے کامیابی کی راہیں سِر کرنے کے بعد اچانک بولی وڈ سے رخصت لے لی۔

سلما آغا

سلما آغا پاکستان میں پیدا ہوئیں انہوں نے اپنے فلمی کیریئر کا آغاز فلم 'نکاح' سے کیا جس میں اداکاری پر انہیں بے حد پذیرائی ملی۔ تاہم کچھ عرصے بعد ان کا کیریئر پستی کی جانب گامزن ہونا شروع ہوگیا۔ جس کے بعد وہ اچانک منظر سے غائب ہوگئیں۔

رینا روئے

رینا روئے بولی وڈ میں شہرت کی اونچائیوں پر تھیں کہ ان کی آنکھ پاکستانی کرکٹر محسن حسن خان سے لڑگئی کچھ عرصے بعد دونوں نے شادی کرلی اور انہوں نے بولی وڈ سے اچانک رخصت بھی لے لی۔

پروین بابی

پروین بابی بولی وڈ کی وہ اداکارہ ہیں جنہیں بولڈ کردار نبھانے کے لئے سب سے بیسٹ مانا جاتا تھا تاہم ان کا کیریئر اس جانب نہیں جاسکا جہاں ان کی خواہش تھی۔ انہوں نے خودکشی کے ذریعے اپنی زندگی کا خاتمہ کیا۔

موسمی چیٹرجی

بولی وڈ میں کافی چھوٹی عمر میں انٹری دینے کے بعد انہیں مسکراہٹ کی وجہ سے کافی شہرت ملی تاہم ان کی یہ مسکراہٹ وہ تہلکہ نہ مچاسکی جو انڈسٹری پر سالوں راج کرسکے۔ وہ بھی اچانک بڑے پردے سے غائب ہوگئیں۔

میناکشی شیشادھری

میناکشی نے اپنے کیریئر میں کئی کامیابیاں سمیٹیں وہ 17 سال کی انتہائی کم عمر میں مِس انڈیا کا ٹائٹل جیتنے کے ساتھ انڈسٹری کو کئی کامیاب فلمیں دے چکی تھیں۔ لیکن ان کا اچانک گلیمر کی دنیا سے غائب ہوجانا آج تک ایک سوال ہے۔

منداکنی

منداکنی کیریئر کا آغاز کرتے ہی بولی کی سینسیشن بن گئی تھیں تاہم مختلف وجوہات کی بنا پر وہ بھی اچانک بولی وڈ کو خیرباد کہہ گئیں۔

ممتا کلکرنی

ممتا اپنی فلموں سے زیادہ ذاتی زندگی کی وجہ سے خبروں میں رہتی تھیں وہ بھی اچانک ہی انڈسٹری سے غائب ہوئیں۔ انہیں ڈرگ ڈیلنگ کے الزام کی وجہ سے دوبارہ خبروں میں جگہ ملی۔

جیا پرادا

جیا پرادا کو اپنے وقت میں کئی بڑے اسٹارز کے ساتھ کام کرنے کا موقع ملا تاہم شہرت کی اونچائیوں کو چھوتے ہی انہوں نے فلمی دنیا کو چھوڑ کر سیاست جوائن کرلی۔

عائشہ جُھلکا

عائشہ جُھلکا کو عامر خان کے مخالف 'جو جیتا وہی سکندر' میں کام کرنے پر بے حد پذیرائی ملی لیکن اس کے بعد وہ بھی فلم نگری کو اچانک چھوڑ گئیں۔

انو اگروال

ابتداء میں شہرت کی تمام بلندیوں کو چھونے کے بعد کچھ ناکام فلموں نے انہیں اچانک انڈسٹری سے رخصت دلادی۔

Thanks to filmipop