ہم سب اس بات کو بخوبی جانتے ہیں کہ بولی وڈ ایک بہت بڑی انڈسٹری ہے لیکن کئی بار اس انڈسٹری پر وہ محاورہ بالکل سوٹ کرتا ہے کہ 'اونچی دوکان پھیکے پکوان' وہ اس لئے کہ رواں برس 10 ایسی فلمیں بھی ریلیز ہوئیں جن کے بینرز نے دھمال تو خوب مچایا لیکن جب بات آئی باکس آفس پر بزنس کی، تو وہ فلاپ ثابت ہوئیں۔

آج ہم آپ کو سال 2017 کی بولی وڈ کی 10 ناکام فلموں کے بارے میں بتانے جارہے ہیں۔

سمرن

کنگنا رناوت کی مووی 'سمرن' جو فلم 'کوئین' کا سیکوئل تھی اس سے کئی امیدیں لگائی گئیں لیکن یہ باکس آفس پر کوئی خاص کارنامہ انجام نہ دے سکی اور فلاپ ثابت ہوئی۔

جگا جاسوس

سالوں کی محنت سے بنائی گئی فلم 'جگا جاسوس' بھی بری طرح ناکام ہوئی۔ یہ فلم آڈیئنس کے لئے خاصی بورنگ قرار پائی۔

حسینہ دی کوئین آف ممبئی

یہ فلم حسینہ پارکر کی بائیوگرافی پر بنائی گئی۔ یہ کرائم فلم بھی آڈیئنس کی توجہ حاصل نہ کرسکی اور فیل ہوگئی۔ اس فلم کو شردھا کپور کے کیریئر کی ہائی لائٹ کے طور پر دیکھا جارہا تھا لیکن ایسا نہ ہوسکا۔

سرکار تھری

سرکار کا تیسرا حصہ رام گوپال ورما کی جانب سے بنایا گیا لیکن میگا اسٹارز کی باوجود باکس آفس پر اس فلم کی کارکردگی زیرو رہی۔

نور

جب فلم 'نور' کا ٹریلر جاری کیا گیا تو ہر شخص کے ذہن میں یہی بات آئی کہ یہ فلم سوناکشی کے کیریئر کے لئے ایک بڑا بریک ثابت ہوگی لیکن بد قسمتی سے یہ فلم بھی باکس آفس پر کوئی خاص کارنامہ انجام نہ دے سکی۔

میری پیاری بِندو

آیوشمن کھُرانا اور پرینیتی چوپڑا کی فلم 'میری پیاری بِندو' نے بھی باکس آفس پر بری طرح ناکامی کا سامنا کیا۔

جب ہیری میٹ سیجل

اس فلم کو 2017 کی سب سے حیران کن فلاپ کہا جائے تو غلط نہ ہوگا اس فلم میں کئی ایسی چیزیں تھیں جو اس کی ناکامی کا باعث بنیں۔ کنگ خان اور انوشکا جیسے بڑے نام فلم میں ہونے کے باوجود فلاپ ہونا حیران کن تھا۔

شیف

یہ فلم ہالی وڈ کی مووی کی کاپی تھی جس میں سیف علی کان کی کارکردگی کو کافی سراہا گیا لیکن پھر بھی اسے ناکامی کا منہ دیکھنا پڑا۔

بھومی

سنجے دت اور ادیتی راؤ حیدری کی فلم بھومی بھی عوام کی توجہ حاصل کرنے میں ناکام رہی۔

بینک چور

اس فلم کی کارکردگی بھی اطمینان بخش نہ رہی اور اسے باکس آفس پر فلاپ قرار دے دیا گیا۔

Thanks to filmipop