شاہ رخ خان کو بولی وڈ کا بادشاہ کہا جاتا ہے، حال ہی میں انہوں نے اپنی نئی آنے والے فلم کا ٹیزر جاری کیا ہے جس میں وہ بونے کے کردار میں نظر آئیں گے۔ مگر اب ایسا لگ رہا ہے جیسے انہوں نے بہت زیادہ ایکسائٹمنٹ کے عالم میں اس ٹیزر کو جاری کردیا ہے کیونکہ فلموں پر گہری نظر رکھنے والے ماہرین نے ان کے ٹیزر میں تین بڑی غلطیوں کو ڈھونڈ نکالا ہے۔

تو آئیے جانتے ہیں کہ وہ کون سی تین بڑی غلطیاں ہیں جنہیں ان فلم بینوں نے پکڑا ہے۔

چپل ہوا میں ہی اٹک جاتی ہے

ٹیزر کے پہلے سین میں شاہ رخ خان نیکر اور بنیان میں نظر آتے ہیں، ایک بھری محفل میں وہ انٹری دیتے ہیں اور بے پرواہ ہو کر ہوا میں اپنی دونوں چپلوں کو اچھال دیتے ہیں لیکن یہ چپل ہوا میں ہی اٹکی رہ جاتی ہے نیچے نہیں آتی۔شاید ایسا اس لئے ہوا ہے کیونکہ شاہ رخ خان کو بونا دکھانے کے لئے مختلف افیکٹس کا استعمال کیا گیا ہے۔

بونے والے ہر سین میں آئی کونٹیکٹ مِس میچ کررہا ہے

ٹیزر کو اگر دھیان سے دیکھا جائے تو پتا چلے گا کہ گانے کے ہر سین کو الگ طریقے سے شوٹ کیا گیا ہے اور بعد میں شاہ رخ کے قد کو چھوٹا کیا گیا ہے اس گانے کے دوران شاہ رخ خان کے آگے پیچھے کھڑے لوگوں کی آنکھیں مِس میچ ہوتی نظر آرہی ہیں جبکہ کسی بھی سین میں کرداروں کا آئی کونٹیکٹ ہونا بہت ضروری ہوتا ہے۔ اب چھوٹا کیا ہے تو کم سے کم نظریں تو نیچے کروالیتے۔

بچے کے جسم میں شاہ رخ خان کا سر

کسی بھی بونے کا جسم کہیں نہ کہیں سے کچھ پیچیدہ اسٹکچر کا شکار ہوتا ہے جبکہ فلموں کو گہری نظر سے دیکھنے والوں کا کہنا ہے کہ شاہ رخ کو جیسا بونا دکھایا گیا ہے تو ایسا لگ رہا ہے جیسے کسی بچے کے جسم میں شاہ رخ کے سر کو جوڑ دیا ہو۔

فلموں کو انتہائی باریکی سے دیکھنے والے بین اس ٹیزر کی غلطیوں پر توجہ دلا کر شاہ رخ خان کو باور کرنا چاہتے ہیں۔ لیکن یہ بھی کہا جارہا ہے کہ فلم کے ٹیزر کی غلطیوں کو نظر انداز کرکے جلد بازی میں اسے اس وجہ سے ریلیز کیا گیا تاکہ وہ دسمبر 2018 کی ہٹس پہلے ہی اپنے نام کرلیں۔

شاہ رخ خان کے مداح ان غلطیوں کے باوجود اس ٹیزر کو بے حد پسند کررہے ہیں اور اب دسمبر کا بے صبری سے انتظار کررہے ہیں۔ یاد رہے 'زیرو' 21 دسمبر 2018 کو ریلیز ہوگی۔