بولی وڈ کی انٹرنیشنل آئیکون پریانکا چوپڑا اور امریکی گلورکار و اداکار نِک جونس ان دنوں اپنی منگنی کی وجہ سے میڈیا پر چھائے ہوئے ہیں۔

دونوں شخصیات کے مداح اس جوڑے کے بارے میں سب کچھ جاننا چاہتے ہیں اور ہر چھوٹی سے چھوٹی بات کو بھی خوب فالو کررہے ہیں۔

غیرملکی میڈیا رپورٹس کے مطابق گزشتہ دنوں ان کی منگنی کے بعد ہندو رسم و رواج کے مطابق روکے کی رسم ہوئی جس کے بعد ایک پنجابی ڈانس پارٹی منعقد کی گئی۔ اس پارٹی میں پریانکا اور نِک تو توجہ کا مرکز رہے ہی تاہم ان دونوں کی ماؤں نے ایک ساتھ پنجابی اسٹائل میں رقص کرکے سب کو حیران کردیا۔

پریانکا چوپڑا کی ماں مدھو اور نِک جونس کی ماں ڈینس نے ایک ساتھ رقص کیا جس کی ویڈیو سوشل میڈیا پر وائرل ہوگئی۔ یہ ویڈیو نِک جونس کی ماں نے اپنے انسٹاگرام ہینڈل سے شیئر کی اور اس میں پریانکا کی ماں کو متوجہ کرتے ہوئے کیپشن درج کی کہ 'میری ڈانسنگ کی کم صلاحیتوں کر برداشت کرنے پر آپ کا شکریہ'۔

ویڈیو ملاحظہ کریں:

Thank you @madhumalati for being patient with my lack of dance skills! I miss you. #engagementparty

A post shared by Denise Jonas (@mamadjonas) on Aug 28, 2018 at 6:14pm PDT

سوشل میڈیا پر وائرل ہونے والی اس ویڈیو میں دیکھا جاسکتا ہے کہ پریانکا کی ماں نے ایک خوبصورت گلابی ساڑھی پہنی ہوئی ہے جبکہ نِک جونس کی ماں نے بے بی بلیو رنگ کا کُرتا زیب تن کیا ہوا ہے۔   دونوں خواتین ایک دوسرے کو دیکھ کر مسکراہٹوں کا تبادلہ کرتی رہیں جبکہ پریانکا کی ماں مدھو نے نِک کی والدہ کو 'مُنڈے دی ماں' کہہ کر بھی مخاطب کیا۔    

Prayer, family and loved ones as the foundation to this new chapter. 🇮🇳 A post shared by Nick Jonas (@nickjonas) on Aug 18, 2018 at 9:21am PDT

یاد رہے مختلف رپورٹس میں یہ بات سامنے آرہی ہے کہ پریانکا اور نِک جونس بہت جلد اٹلی میں شادی کے بندھن میں بندھ جائیں گے۔ تاہم اب تک شادی کی کوئی حتمی تاریخ سامنے نہیں آئی ہے۔