تیمورعلی خان نے پیدا ہوتے ہی بھارتیوں کی  نیندیں اُڑادیں

زنیرا غوری
شائع 22 دسمبر 2016 06:19am
لائف اسٹائل

karina

سیف کرینہ کے گھر  گزشتہ دوروز قبل بیٹے کی پیدائش  ہوئی ہےجس کا نام "تیمور علی خان پٹودی"رکھا گیا ہے،ترکی میں تیمور کامطلب ہے لوہا،لیکن کہانی یہاں ختم نہیں ہوتی بلکہ اب تو کہانی شروع ہوئی ہے۔

کچھ لوگ مشہور ہونے کیلئے ہی پیدا ہوتے ہیں ،تیمور بھی ان ہی میں سے ایک ہے۔

تیمور بولی وڈ کا وہ واحد بچہ ہے جو دنیا میں آنے کے 24 گھنٹوں کے اندر اتنا مقبول ہوگیا ہے کہ لوگ باقی اسٹارز کو بھول گئے۔

چھوٹے نواب نے پیدا ہوتے ہی بھارتیوں کی نیندیں اڑادی ہیں،واشنگٹن پوسٹ کے مطابق سیف کے بیٹے کانام سنتے ہی بھارتی عوام  کو شدید دھچکا لگااور انہیں ماضی میں دہلی کو فتح کرنے والے "تیمورلنگ"کی یاد دلاگیا جس نے فارس اور سینٹرل ایشیا ءکو  فتح کیا تھا وہ اپنے آپ کو "اسلام کی تلوار"کہا کرتا تھا۔

لہٰذا تیمور کا نام منظر عام پر آتے ہی بھارت میں نیا پنڈورا بکس کھل گیا ہے اور بھارتی عوام  خوفزدہ ہوگئے ہیں۔

کسی نے ٹویٹر پر غصے کا اظہار کرتے ہوئے کہا کہ  سیفینا کی تمام فلموں کا بائیکاٹ کردینا چاہئے،کسی نے تو یہاں تک کہہ دیا کہ "کیا مغل ہم پر پھر حملہ کرنے والے ہیں"،اگر نہیں تو تیمور علی خان کیوں  اتنا مقبول ہورہا ہے۔

جبکہ کچھ لوگوں نے تیمور کی پیدائش پر خوشی کا اظہار کرتے ہوئے ان تمام لوگوں پر تنقید کرتے ہوئے کہا کہ  "آپ سب کو شرم آنی چاہئے ایک بچے کی پیدائش کو متنا زع بنادیا ،ہمیں ان تمام باتوں کو چھوڑ کر آگے بڑھنا چاہئے۔"  

دوسری جانب تیمور کی پیدائش کے ساتھ ہی  سوشل میڈیا پر وائرل ہونے تصاویر کے بارے میں نیا تنازع کھڑا ہوگیا کچھ لوگوں کا کہنا ہے کہ یہ تصاویر جعلی ہیں جبکہ  سیف  اور کرینہ کی جانب سے ان تصاویر کے حوا لے سے کوئی بیان سامنے نہیں آیا ہے۔

Image result for saif kareena baby pics

مزید خبریں
مقبول ترین
تازہ ترین