ممبئی:گزشتہ برس کوک اسٹوڈیو کے ذریعے  راتوں رات سوشل میڈیا پر چھا جانے والی پاکستان کی خوبرو گلوکارہ مومنہ مستحسن کی جانب سے حال ہی میں سوشل نیٹ ورکنگ سائٹ پر کی جانے والی  ایک  پوسٹ سے ظاہر ہوتا ہے کہ ان کی منگنی ٹوٹ چکی ہے۔

انڈین ایکسپریس کے مطابق راحت فتح علی خان کے ساتھ  مشہور قوالی'آفرین آفرین'پر پرفارم کرنے پر مومنہ کے نہ  صرف پاکستان بلکہ بھارت میں بھی لاکھوں دیوانے بن گئے تھے۔

لیکن اس سے پہلے کہ ان کے مداح ان پر یہ ظاہر کرتے کہ وہ انہیں کتنا چاہتے ہیں  مومنہ کی امریکا سے تعلق  رکھنے والے بینکر  علی نقوی  کے ساتھ ایک نجی تقریب میں منگنی کی خبروں نے انہیں  مایوس کردیا۔

لیکن اب یہ خبریں گردش کررہی ہیں کہ مومنہ کی منگنی ٹوٹ چکی ہے،مومنہ نےاسنیپ چیٹ پرویلنٹائن ڈے کے موقع پر  ملنے والے گفٹ  کی تصویر پوسٹ کی ہے  ،جس پر کیپشن لکھا ہوا ہے 'سنگل لڑکیاں بھی ویلنٹائن ڈےکا تحفہ وصول کرسکتی ہیں'۔

واضح رہے کہ اس سے قبل منگنی ٹوٹنے کی افواہوں پر مومنہ   نے غصے کا اظہار کرتے ہوئے کہا تھا  کہ 'میری آپ سب سے درخواست ہے  میرے نجی معاملات  پر بات نہ کی جائے  اور نہ ہی کوئی نتیجہ نہ اخذ کیا جائے۔