اسلام آباد:اقتصادی رابطہ کمیٹی(ای سی سی )کا اجلاس آج ہوگا،اجلاس میں صنعتوں کو بلوں کی مد میں ریلیف ملنے کا امکان ہے۔

 مشیرخزانہ عبدالحفیظ شیخ کی زیرصدارت ای سی سی اجلاس میں وزیراعظم ریلیف پیکج کا جائزہ لیا جائے گا،وزیراعظم ریلیف پیکج کے تحت صنعتوں کوبلوں کی مد میں ریلیف ملنے کا امکان ہے، صنعتوں کوبجلی، گیس بلوں میں رعایت دی جائے گی۔

 ذرائع کے مطابق اجلاس میں وزارت صنعت و پیداوارکا چھوٹا کاروبارامدادی پیکج ایجنڈے میں شامل ہے،وزارت صنعت وپیداوارکی جانب سے بریفنگ اورجائزہ لے کرچھوٹا کاروبارامدادی پیکج کی منظوری دی جائے گی، امدادی پیکج سےلاکھوں کاروبارفائدہ اٹھائیں گے۔