سال 2017 بھارتی سنیما انڈسٹری کے لئے بھی اتنا اچھا نہ رہا جتنی اس سے توقع کی جاتی ہے۔ اس سال بڑے بڑے نام بھی بولی وڈ فلموں کو کامیاب نہ بنا سکے۔ ان بڑے ناموں میں امیتابھ بچن کی سرکار 3، سیف علی خان کی شیف، شاہ رخ خان اور انوشکا کی جب ہیری میٹ سیجل اور سلمان خان کی ٹیوب لائٹ وغیرہ شامل ہیں۔

لیکن آج ہم آپ سے بولی وڈ کی فلاپ فلموں کا ذکر نہیں کرنے جارہے ہیں بلکہ اس سال سب سے کم کمائی کرنے والی 8 بولی وڈ اداکاراؤں کے بارے میں بتانے جارہے ہیں۔ ملاحظہ کریں۔

عالیہ بھٹ

عالیہ بھٹ نے خود کو ہائی وے، ٹو اسٹیٹس، اڑتا پنجاب اور ڈیئر زندگی جیسی فلموں میں منوایا ہے۔ لیکن اگر بات سال 2017 میں ان کی کمائی کی کی جائے تو وہ اتنی قابل ذکر نہ رہی انہوں نے محض 4.5 کروڑ روپے کمائے۔

جیکیولین فرنینڈز

لوگ سری لنکن بیوٹی جیکیولین فرنینڈز کی خوبصورتی کے بھی دیوانے ہیں۔ انہوں نے کِک، ہاؤس فل 2 اور مرڈر 2 جیسی فلموں میں اداکاری کی۔ لیکن 2017 میں وہ صرف 1.5 کروڑ روپے ہی کما سکیں۔

الینا ڈیکروز

بولی وڈ مووی 'برفی' میں ایک کامیاب ڈیبیو کرنے والی اداکارہ الینا ڈیکروز 'میں تیرا ہیرو اور پھٹا پوسٹر نکلا ہیرو' جیسی مزیدار فلموں میں بھی اداکاری کرچکی ہیں۔ تاہم اگر ان کی اس سال کی کُل آمدنی کی بات کی جائے تو محض 1.6 کروڑ روپے ہی ہے۔

پرینیتی چوپڑا

اپنی لاجواب اداکارانہ صلاحیتوں کی وجہ سے بولی وڈ کو رول کرنے والی پرینیتی چوپڑا بھی اس سال کوئی خاص کارنامہ انجام نہ دے سکیں انہوں نے محض 2.1 کروڑ روپے کمائے۔

شردھا کپور

بولی وڈ کے وِلن شکتی کپور کی بیٹی شردھا کپور بھی اپنی اداکاری کا لوہا منواچکی ہیں لیکن اگر 2017 کی بات کی جائے تو وہ صرف 3.5 کروڑ روپے ہی کما پائیں۔

سوناکشی سنہا

دبنگ گرل سوناکشی سنہابھی ایک پاور پیکڈ پرفارمر ہیں انہوں نے کئی بولی وڈ فلموں میں اپنی دم دار اداکاری سے مداحوں کے دل جیتے ہیں تاہم وہ بھی اس سال محض 3.7 کروڑ روپے کما پائیں۔

سونم کپور

انیل کپور کی بیٹی سونم کپور نے فلم ساوریا سے اپنے کیریئر کا آغاز کیا جس کے بعد انہوں نے کافی پذیرائی حاصل کی تاہم وہ بھی اس سال صرف 2.5 کروڑ روپے کما سکیں۔

دِشا پٹانی

ٹائیگر شروف کی گرل فرینڈ دِشا پٹانی باغی ٹو میں اداکاری کرکے 1 کروڑ روپے کما سکیں۔

Thanks to bollywoodpapa