بولی وڈ اداکاروں کے اکثر وبیشتر افیئرز سامنے آتے رہتے ہیں۔ مگ کچھ افیئرز ایسے ہوتے ہیں جو عوام کے سامنے آجاتے ہیں جبکہ کچھ ایسے بھی ہوتے ہیں جنہیں خفیہ رکھا جاتا ہے۔ لیکن کیا کریں صاحب! عوام کی نظروں سے کچھ نہیں چھپتا۔

آج ہم آپ کو 10 مشہور سلیبرٹیز کے ماضی کے کچھ ایسے افیئرز کے بارے میں بتانے جارہے ہیں جو وہ عوام کو ہرگز نہیں بتانا چاہتے۔

سوناکشی سنہا اور ادیتیا شروف

مشہور ہونے سے قبل سوناکشی سنہا مختلف افیئرز کی گرفت میں رہیں۔ وہ ادیتیا شروف کے ہمراہ ایک سنجیدہ رشتے میں مبتلا تھیں تاہم کچھ چیزیں ایسی ہوئیں جس کی وجہ وہ دونوں ایک نہ ہوسکے اور ادیتیا نے ٹی وی اداکارہ میگھا گپتا سے شادی کرلی۔

ایشوریا رائے اور راجیو مُلچندانی

ایشوریا کی نجی زندگی ابھیشیک کے ساتھ شادی سے قبل کافی زیر بحث رہی۔ کئی سالوں قبل جب ایشوریا نے ایک ماڈل کی حیثیت سے اپنے کیریئر کا آغاز کیا تو وہ راجیو کے ساتھ ڈیٹنگ کرتی تھیں لیکن راجیو نے منیشا کورائلا کی خاطر ایشوریا کو چھوڑ دیا۔

رنویر سنگھ اور آہانہ دیول

اس رشتے نے تو آپ کو چونکا دیا ہوگا کیونکہ دپیکا سے قبل رنویر ہیما مالنی کی بیٹی آہانہ کے ساتھ ڈیٹنگ کرتے تھے۔ آہانہ اور رنویر ایک ہی کالج میں تھے۔

رنبیر کپور اور اَونتیکا ملک

ماضی میں اونتیکا ملک اور عمران خان کی لَو اسٹوری کے تو بڑے چرچے ہوئے لیکن کیا آپ جانتے ہیں عمران سے قبل اونتیکا کا نام رنبیر کے ساتھ جوڑا جاتا تھا؟ جی ہاں! جب اونتیکا ایک چائلڈ اسٹار کے طور پر ٹی وی سیریل میں کام کرتی تھیں تو رنبیر ان کے پیار میں گرفتار ہوئے۔

پریانکا چوپڑا اور عصیم مرچنٹ

کم عمری کے دنوں میں (مس یونیورس کا اعزاز حاصل کرنے سے بھی قبل) پریانکا اور عصیم ایک دوسرے کے ساتھ ڈیٹنگ کرتے تھے۔ لیکن دونوں علیحدگی اختیار کرگئے۔ بعد میں عصیم نے پریانکا کی نجی زندگی پر ایک فلم '67 ڈیز' بنانا چاہی جس پر انہوں نے اپنے سابق بوائے فرینڈ کو ایک قانونی نوٹس بھی بھیجا۔

جیکیولین فرنینڈس اور حسن بن خالد الخلیفہ

جیکیولین بحرین کے پرنس حسن بن خالد الخلیفہ کے ساتھ ڈیٹنگ کرتی ہوئی پائی گئیں، یہاں تک کہ دونوں کی شادی کی افواہیں بھی اڑنے لگیں لیکن یہ تمام افواہیں اس وقت دم توڑ گئیں جب جیکیولین اور ساجد خان کے افیئر کے بارے میں پتا چلا۔

دپیکا پاڈوکون اور نہار پانڈیا

رنبیر کپور ہوں یا نہار پانڈیا دپیکا کی نجی زندگی بھی خبروں کی زینت بنی رہتی ہے۔ اپنے کیریئر کے ابتدائی دنوں میں وہ ماڈل نہار پانڈیا کے ہمراہ ڈیٹنگ کرتی تھیں۔

ارجن کپور اور ارپیتا خان

سلمان کی بہن ارپیتا کی شادی آیوش شرما سے ہوئی لیکن شاید آپ کو معلوم نہ ہو کہ وہ شادی سے قبل ارجن کپور کے ساتھ رلیشن میں تھیں۔ ان دونوں کو اکثر ایک ساتھ ہی دیکھا جاتا تھا۔ ارجن کپور کا اس رشتے کے حوالے سے کہنا ہے کہ وہ زندگی میں صرف ارپیتا سے ہی گہرے پیار میں مبتلا ہوئے تھے۔

انوشکا شرما اور زوہیب یوسف

یہ بہت سارے لوگوں کے لئے ایک سرپرائز ہوگا کیونکہ انوشکا کی ابھی حال ہی میں بھارتی کرکٹ ٹیم کے کپتان ویرات کوہلی سے شادی ہوئی ہے۔ وہ اپنے کیریئر کے ابتدائی دنوں میں زوہیب یوسف نامی شخص سے بنگلور میں ملیں۔ کافی عرصے تک ڈیٹنگ کرنے کے بعد دونوں میں علیحدگی ہوئی۔ اس وقت یہ دونوں ہی ماڈل تھی لیکن انوشکا کی قسمت نے انہیں بولی وڈ میں پہنچادیا جبکہ زوہیب پیچھے رہ گئے۔

عالیہ بھٹ اور علی دادرکر

ایک وقت تھا جب عالیہ اپنے بچپن کے دوست علی دادرکر کے ساتھ ڈیٹنگ کیا کرتی تھیں تاہم بعد میں وہ سدھات ملہوترا کے پیار میں گرفتار ہوگئیں اور ماضی کا رشتہ دفن ہوگیا۔

Thanks to filmipop