آج تک تو ہم یہ سنتے آئے ہیں کہ ہاتھوں کی لکیروں میں زندگی سے متعلق راز چھپے ہوتے ہیں۔ لیکن کیا آپ کو معلوم ہے کہ آپ کی کھلائیوں پر موجود لکیریں بھی بہت کچھ بولتی ہیں۔لکیروں پر یقین کچھ لوگ ہی کرتے ہیں اور بعض لوگوں کے لیے یہ محض مذاق کے علاوہ کچھ بھی نہیں ہوتا،مغرب میں موجود لوگ ان باتوں پر زیادہ یقین رکھتے ہیں۔

کلائیوں پر موجود افقی لکیریں، جن کو ریسکیٹ لائن بھی کہا جاتا ہے ۔ ان لکیروں کے مختلف معنی ہوتے ہیں جیسے یہ لکیریں صحت کا احوال بھی بتاتی ہیں، آپ کے مستقبل کا حال بھی پیش کرتی ہیں اورآپ کی قسمت کو بیان کرتی ہیں۔

میٹا فزکس کے مطابق کلائی پر موجود لکیریں زندگی کی پیش گوئی کرتی ہیں،جتنی لکیریںزیادہ ہونگی اُتنی زیادہ انسان کی عمر ہوگی۔اگرکسی شخص کی کلائی پر موجود پہلی لکیر پوری اور واضح ہے تو اس کا مطلب وہ شخص23 سے 28 سال تک زندگی گزارے گا۔

اسی طرح کلائی پر موجود دوسری لکیرکسی شخص کی 46 سے 56 سال تک جینے کی پیش گوئی کرتی ہے۔اگر کلائی پر تیسری لکیر بھی موجود ہے تو اس کا مطلب وہ شخص 69 سے 84 سال تک زندگی بسر کرے گا اور آخری یعنی چوتھی لکیر کسی شخص کے84سال جینے کی پیش گوئی کرتی ہے۔

عموماً کلائی پر موجود چوتھی لکیر اتنی واضح نہیں ہوتی اور بعض افراد کی کلائیوں پر چوتھی لکیر موجود بھی نہیں ہوتی۔ زیادہ تر لوگوں کی کلائیوں پر دو یا تین لکیریں موجود ہوتی ہیں۔

اس کے علاوہ یہ لکیریں کیا کہتی ہیں، آئیے جانتے ہیں۔۔

٭ کلائی پر موجود پہلی لکیر اگر موٹی اور بہت گہری ہے تو یہ آپ کی اچھی صحت کی نشاندہی کرتی ہے۔جن کی کلائی پر پہلی لکیر گہری بنی ہوتی ہے وہ جسمانی طور پر تندرست ہوتے ہیں۔لیکن اگر یہ لکیر ہلکی اور ٹوٹی ٹوٹی بنی ہے تو اس کا مطلب آپ کی صحت کے ساتھ کچھ مسائل پیش آسکتے ہیں۔

٭کلائی پرموجود دوسری لکیر انسان کی مال و دولت اور خوشحالی کی نشاندہی کرتی ہے، جتنی مضبوط لکیر ہوگی اتنی ہی مضبوط آپ کی مالی زندگی ہوگی۔

٭ کلائی پر موجود تیسری لکیر آپ کے مستقبل کو بیان کرتی ہے کہ آپ کو مستقبل کیسا ہوگا؟ آپ اپنے کیرئیر میں کتنی ترقی کریں گے۔ اگر یہ لکیر ٹوٹی ٹوٹی ہوگی تو آپ کے مستقبل میں کئی پریشانیاں پیش آسکتی ہیں۔