فلم انڈسٹر ی ایسی نگری ہے جہاں اگر کوئی شخص داخل ہوجائے تو واپسی کا کوئی راستہ نہیں ہوتا،انڈسٹری میں نام کمانے کے بعد کسی بھی انسان کا دل نہیں چاہتا کہ وہ شہرت ،دولت اور گلیمر سے بھری اس جادوئی دنیا کو چھوڑ دے۔

لیکن کچھ ایسی اداکارائیں بھی ہیں جنہوں نے شادی کے بعد فلم انڈسٹری کو خیر باد کہہ دیا ان کا یہ قدم نہایت اہمیت کا حامل تھا کیونکہ عزت ،شہرت اور دولت کو اتنی آسانی سے چھوڑنا ہر کسی کے بس کی بات نہیں۔

آج ہم آپ کو بھارت کی ان اداکاراﺅں کے بارے میں بتائیں گے جنہوں نے اپنے کیر ئیر سے زیادہ گھریلو زندگی کو فوقیت دیتے ہوئے شوبز انڈسٹری سے کنارہ کشی اختیار کرلی۔

آسین

بھارتی فلم انڈسٹری کی معروف اداکارہ آسین حال ہی میں شادی کے بندھن میں بندھی ہیں انہوں نے بہت سی کامیاب فلموں میں کامیاب اداکاروں کے ساتھ کام کیا ہے ،شادی کے بعد انہوں نے اعلان کیا ہے کہ وہ فی الحال مزید کوئی فلم سائن نہیں کریں گی۔

ٹوئنکل کھنا

بولی وڈ کی خوبرو اداکارہ اور معروف اداکار اکشے کمار کی بیوی ٹوئنکل کھنا نے دو ہزار ایک میں فلم انڈسٹری سے کنارہ کشی اختیار کرلی تھی،اور اس کی وجہ تھی ان کے بچے اور گھر یلو زندگی۔ٹوئنکل اب انٹیرئیر ڈیزائنر کے ساتھ اخبارات میں آرٹیکل بھی لکھتی ہیں۔

نیتو سنگھ

ماضی کی معروف اداکارہ ،رشی کپور کی بیوی اور رنبیر کپور کی ماں نیتو سنگھ کا شمار بھی ان اداکاراﺅں میں ہوتا ہے جنہوں نے بے انتہا مقبولیت کے باوجود شوبز کو چھوڑ دیا ،وہ اب ایک بہترین ماں اور بیوی کاکردار بخوبی ادا کر رہی ہیں۔

میناکشی شیشادری

میناکشی کا شمار بھی ماضی کی صف اول کی اداکاراﺅں میں ہوتا ہے،ان کے کیر ئیر کی کامیاب ترین فلموں میں گھائل،دامنی،ہیرو اور شہنشاہ وغیرہ شامل ہیں۔انیس سو چھیانوے میں انہوں نے بھارتی بزنس مین ہریش سے شادی کرلی اور اپنے کیر ئیر کو خیر باد کہہ دیا۔

ببیتا

بولی وڈ کی خوبرو بہنیں کرینہ اور کرشمہ کپور کی والدہ اداکارہ ببیتا نے بھی شادی کے بعد اداکاری کو خیر باد کہہ دیا تھا۔ان کے مطابق یہ فیصلہ ان کا اپنا تھا کسی نے ان پر اداکاری چھوڑنے کیلئے دباﺅ نہیں ڈالا تھا ،اب وہ اپنے بچوں اور فیملی کے ساتھ خوش ہیں۔