انہترواں 'کینز فلم فیسٹیول' گیارہ مئی سے پیرس میں شروع ہو چکا ہے اور اگلے گیارہ دن پورے چمک دمک کے ساتھ  مزید چلےگا۔ جس میں پوری دنیا سے ستارے شرکت کریں گے۔ یہ میلہ ایک بڑا ایونٹ ہوگا۔ اس میلے کیلئے فلموں کا چنا جانا باعث فخر سمجھا جاتا ہے۔

ہندی سینما کے نام کے ساتھ یہ اعزاز پہلے ہی جڑا ہوا ہے لیکن اس سال پاکستانی فلم انڈسٹری بھی پیچھے نہیں رہی۔ چار ہندی فلموں کے ساتھ تین پاکستانی فلمیں بھی کینز فلم فیسٹیول کیلئے شارٹ لسٹ کی گئی ہیں جنہیں فیسٹیول میں دکھایا بھی جائے گا۔

ان فلموں کے نام اور انکے بنانے والوں کے نام درج ذیل ہیں۔

جاگو ہوا سویرا

جاگو ہوا سویرا اس سال کینز کلاسک کی کی زینت بنے گی۔ یہ فلم بنگلہ دیش اور پاکستان کے اشتراک سے ڈھاکہ میں شوٹ کی گئی ہے اور  بیسٹ فورن لینگوج فلم کیٹیگری کیلئے نامزد کی گئی ہے۔

بلڈ منی

بلڈ منی پاکستان میں ہونے والے ریمنڈ ڈیوس کیس سے متعلق بنائی گئی ہے۔ سی-آئی-اے ایجنٹ ریمنڈ ڈیوس کے گرفتار ہونے اور اس کو رہا کرنے کیلئے دیئے گئے دو ملین ڈالرز (بلڈ منی) کے حوالے سے بنائی گئی یہ فلم ڈائریکٹر جمیل دہلوی نے بنائی ہے۔

ٹائگر ٹائگر

آئرش شارٹ فلم ٹائگر ٹائگرمیلے میں دکھائے جانے کیلئے شیڈول ہے۔ اس فلم میں پاکستانی کنیکشن بھی ہے۔ فلم کو ورم ہول پروڈکشن کے نبھن کریم نے کو-پروڈیوس کیا ہے۔ یہ فلم ایک مسٹری ڈرامہ ہے۔ اس فلم کی کہانی ایک ایسے بے نام مرکزی کردار کے گرد گھومتی ہے جو اپنے بار ٹینڈر دوست کی مدد سے ایک رات لاش کو ٹھکانے لگاتا ہے۔

رمن راگھو

یہ فلم 1960 کے ایک سیرئیل کلر رمن راگھو پر مبنی ہے۔ اس فلم میں نوازالدین صدیقی نے مرکزی کردار نبایا ہے۔جبکہ  اس فلم کے ہدایت کار انوراگ کشپ ہیں۔

دی سینما ٹریولر

شرلی ابراہم اور امیت مدھیشیا کی فلم 'دی سینما ٹریولر' کینز میں دکھائی جانی والی واحد ڈاکیومینٹری فلم ہے۔ یہ فلم چھیانوے منٹ کی ہے آٹھ سال کی مدت میں انڈیا فاؤنڈیشن فار دی آرٹس کی مدد سے کینز فیسٹیول کے کلاسک سیکشن کیلئے بنائی گئی ہے۔

میموریز اینڈ مدر

آدیتیا وکرم گپتا کی یہ فلم کینز کے اس سیکشن میں دکھائی جائے گی جو نئے پروجیکٹ کو پروموٹ کرتا ہے۔ فلم کے بارے مین سین گپتا نے کہا کہ یہ فلم کلکتہ شہر کیلئے ایک جذباتی رد عمل  ہے جہاں وہ بڑے ہوئے ہیں۔

باہو بلی

ڈائریکٹر ایس ایس راجمولی کی باہو بلی کینز کے پردے پر آنے کو تیار ہے جبکہ اس فل نے مارشے ڈیو فلم میں ورچوئل ریئلٹی کیلئے ایک بحث چھیڑی ہوئی ہے۔یہ فلم فیسٹیول میں دکھائے جانے سے پہلے ہی بحث کا حصہ بن چکی ہے۔