کچھ لوگوں کو باتیں کرنے کی اتنی عادت ہوتی ہے کہ وہ ناسمجھی میں نہ جانےکیا کچھ بول جاتے ہیں اور انھیں محسوس بھی نہیں ہوتا۔

لوگوں کی یہ عادت اکثر دوسروں کو غصے میں دلادیتی ہےاور اس طرح گفتگو بغیرکسی وجہ کے خراب ہوجاتی ہے۔

کوشش کریں کہ دوران گفتگو ان باتوں سے پرہیز کریں تاکہ دوسرے لوگ آپ کی باتوں پر غصہ نہیں ہوں۔

٭ دوسروں کا موڈ خراب ہوجانا

اکثر لوگ باتوں میں ایسا کچھ کہہ دیتے ہیں جس سے دوسرے لوگوں کا موڈ خراب ہوجاتا ہے اور پھر وہ بات ادھوری چھوڑ کر چلے جاتے ہیں۔

٭گفتگو کے دوران غالب رہنا

بعض لوگ گفتگو کے دوران دوسروں پر غالب رہتے ہیں اور ان کو کچھ بھی کہنے کا موقع نہیں دیتے۔ اس سے دوسرے لوگوں کی گفتگو میں دلچسپی ختم ہونے لگتی ہے اور جلد از جلد گفتگو ختم کرکے چلے جاتے ہیں۔

٭ دوسروں کی غلطیاں نکالنا

دوران گفتگو کسی کو ٹوکیں نہیں، پہلے اس کی بات ختم ہونےدیں پھر جس بات سے بھی آپ کو اختلاف ہو یا کوئی بات ٹھیک نہیں لگی ہوتو اس کو بتا کر ڈسکس کرلیں۔

٭ تیزی میں بولنا

گفتگو کرتے ہوئے اس بات کا خیال رکھیں کہ آپ کی کہی ہوئی بات دوسروں کو سمجھ آرہی ہے یا نہیں آرہی ۔ تیزی میں بولنے سے آپ کی بات ختم ہوجائے گی لیکن سننے والے کو سمجھنے میں مشکل پیش آئے گی اور آپ کو اپنی بات پھر دہرانی پڑے گی۔