لاس اینجلس:ہالی ووڈ کی معروف اداکارہ ایما واٹسن ایک بار پھرجادوئی کہانی میں جلوہ گر ہورہی ہیں۔

فلم بیوٹی اینڈ دی بیسٹ کا نیا ٹریلرجاری کردیا گیا ہے، فلم کی کہانی ایک ایسی شہزادی کے گرد گھومتی ہے ،جو تنہا شیطانی قوتوں کا مقابلہ کرتی ہے۔

فلم کے نئے ٹریلر میں  مزید  جادوئی  چیزیں جن میں جادوئی کیتلی،خوبصورت "بال روم" دکھائے گئے ہیں۔

ٹریلر کو  دیکھ کر ڈزنی کے مداح یقیناً سانس لینا بھول جائیں گے۔فلم میں ہیری پوٹر سیریز کی کامیاب اداکارہ ایما واٹسن کے ساتھ ڈان اسٹیون مرکزی کردار میں نظرآئیں گے۔

واضح رہے کہ فلم کا پہلا ٹریلر رواں سال نومبر میں ریلیز کیا گیا تھا جسے مداحوں کی جانب سے بیحد پزیرائی حاصل ہوئی تھی۔

فلم  اگلے سال 17 مارچ  2017کو ریلیزکی جائے گی۔