نئی دہلی:بھارتی دارالحکومت نئی دہلی میں ظلم کا درجہ حرارت انتہا کو چھونے لگا،مساجد غیرمحفوظ ہوگئیں ،بھارتیاجنتا پارٹی کے دہشت گردوں نے اشوک نگر کی مسجد پر حملہ کردیا،بلوائیوں نے 20افراد کی جان لے لی جبکہ سینکڑوں زخمی ہوگئے۔

بھارتی دارالحکومت دہلی جل رہا ہے،انتہا پسند درندوں پر مسلمانوں کی نسل کشی کا خون سوار ہے،مودی کے قصاب نے دہلی کے مرکزی علاقوں پر دھاوا بولا ہوا ہے،دہلی کی گلی گلی گھر گھر مسلمان خوف کا شکار ہیں،رورہے ہیں۔

مسلم آبادیوں پر انتہاپسندوں کے حملے جاری ہیں،مساجد کی بے حرمتی کی جارہی ہیں، بابری مسجد کی  طرح دہلی کی ایک مسجد کے مینار پر ناپاک عزائم اور بھارتی جھنڈا لئے انتہا پسند چڑھ گئے،مساجد، گھر، مسلمانوں کے املاک راکھ کردیئے۔

جامعہ ملیہ اور جواہرلعل نہرویونیورسٹی کے طلبہ دہلی فسادات کے خلاف اروندکیجریوال کے گھر کے باہر جمع ہوئے توپولیس نے واٹرکینن کا استعمال کرکے مظاہرین کو ہٹایا۔

بھارت میں ظلم کی انتہا مساجد غیر محفوظ ہوگئیں، بلوائیوں نے 20 افراد کی جان لے ل، سیکڑوں زخمی #AajNews #AajUpdates #delhivoilence #DehliBurning pic.twitter.com/ecHvHnRvk1

— Aaj News Urdu (@aaj_urdu) February 26, 2020

بھارتی پولیس زمین پر پڑے نہتےلوگوں کو ڈنڈے ماررہی ہے،دہلی کے کئی علاقوں میں کرفیو نافذ ہے۔

وزیراعلیٰ اروند کیجریوال نے حالات قابو پانے کے لیے فوج بلانے کا مطالبہ کردیا۔

دہلی میں مسلمانوں کی نسل کشی پر جینوسائیڈ دہلی، برننگ دہلی، دہلی میں فسادات ٹاپ ٹرینڈز بن گئے۔

دہلی میں مسلمانوں کا قتل عام،بین الاقوامی میڈیا بھی چپ نہ رہ سکا

دہلی میں مسلمانوں کی نسل کشی پر بین الاقوامی میڈیا بھی تنقید کرنے لگا،واشنگٹن پوسٹ، نیویارک ٹائمز،الجزیرہ، دی گارڈین، ٹیلی گراف سمیت دیگر اخبارات نے لکھا کہ دہلی جل رہا ہے، مساجد جلائی جارہی ہیں،یہاں تشدد کو ہوا دی جارہی ہے۔

دی گارڈین نے لکھا کہ دہلی فسادات کی وجہ مودی کا مسلمان مخالف قانون ہے،خونی تشدد نے  شمال مشرقی دہلی کی سڑکوں کو آگ کی لپیٹ میں لے لیا۔

دی نیویارک ٹائمز نے شہہ سرخی لگائی کہ دہلی میدان جنگ بن گیا،انتہا پسندوں کا ہجوم دہلی کی سڑکوں پر

گشت کررہاہے۔

دہلی میں مسلم نسل کشی پر بین الاقوامی میڈیا کی تنقید
#AajNews #DelhiRiots2020 #delhivoilence pic.twitter.com/PWrUFY9j0K

— Aaj News Urdu (@aaj_urdu) February 26, 2020

الجزیرہ نے دہلی میں ہندوں کے ہاتھوں مساجد کی بے حرمتی کا ذکر کیا جبکہ واشنگٹن پوسٹ نے  لکھا دہلی پرتشدد مظاہروں کی زد میں ہے۔

انسانی حقوق کی تنظیم ایمنسٹی انٹرنیشنل نے ایک بار پھر واضح کردیا کہ  بھارت میں نفرت انگیز تقاریر سے تشدد کو ہوا دی جاتی ہے۔

'دہلی صرف شروعات ہے ، یہ شعلے پورے بھارت میں پھیلیں گے'

بھارتی سپریم کورٹ  کے سابق جج مرکنڈے کاٹجو نے مودی سرکار کی جارحانہ پالیسیوں کے خطرناک نتائج سے خبردار کردیا۔

یہ شروعات ہے، شعلے پورے بھارت میں پھیلیں گے، بھارتی مسلمانوں کیلئے بُرے دن آنے والے ہیں ؛ مرکنڈے کاٹجو#AajNews #DelhiRiots2020 #delhivoilence @mkatju pic.twitter.com/VieiQGeoz5

— Aaj News Urdu (@aaj_urdu) February 26, 2020

مرکنڈے کاٹجو کا کہنا ہے کہ وہ پہلے ہی خبردار کر چکے ہیں کہ دہلی صرف شروعات ہے ، یہ شعلے پورے بھارت میں پھیلیں گے،مودی کی پالیسیوں سے بھارت تاریکی میں ڈوب جائے گا، بھارتی مسلمانوں کے لیے برے دن آنے والے ہیں، ہمارے آئین میں بھارت سیکیولر ملک ہے لیکن  حقیقت اس سے بہت مختلف ہے۔