امریکا میں ایئر فورس کی ایک ایئر بیس کے رن وے پر کہیں سے مگر مچھ آ دھمکا۔ حکام نے بتایا کہ فلوریڈا میں میکڈِل ایئر فورس بیس کے رن وے پر آنے والے مگر مچھ کو پکڑ کر قریبی دریا میں چھوڑ دیا گیا۔

ایئر فورس بیس نے ایک فیس بک پوسٹ میں بتایا کہ پیر کی صبح یہ مگر مچھ کسی طرح بہت سے لوگوں کی نظروں سے بچتا بچاتا فضا میں ری فیولنگ کے لیے استعمال ہونے والے KC-135 طیارے کے لینڈنگ گیئر (پہیوں) میں گھس گیا۔

مگر مچھ کو وہاں سے نکال کر ایئر فورس بیس سے باہر لے جانے کے لیے فلوریڈا ف،ش اینڈ وائلڈ لائف کنزرویشن سکمیشن کے افسران کو طلب کیا گیا۔ انہوں نے مگر مچھ کو پکڑ کر قریب ہی واقع ہِلز بورو نامی دریا میں چھوڑ دیا۔