کراچی: پاکستان کے معروف اداکار جوڑے شہروز سبزواری اور سائرہ یوسف نے کئی ماہ علیحدگی کے بعد باضابطہ طلاق کا اعلان کیا ہے۔

شہروز سبزواری نے سوشل میڈیا پر اپنے پیغام میں کہا کہ انہوں نے اور سائرہ نے اپنی شادی کو ختم کرنے کا فیصلہ کیا ہے، اگرچہ یہ بہت ہی مشکل ہے لیکن ہم کوشش کریں گے کہ اپنی بیٹی کیلئے بہترین والدین بنیں تاکہ وہ اپنے حصے کا وہ پیار اور عزت حاصل کرپائے جس کی وہ مستحق ہے۔

View this post on Instagram

A post shared by Shahroz Sabzwari (@shahrozsabzwari) on Feb 29, 2020 at 9:09am PST

انہوں نے عوام اور میڈیا سے درخواست کی کہ ان کی پرائیویسی کا خیال رکھا جائے، اسی سے ملتا جلتا پیغام سائرہ یوسف نے بھی سوشل میڈیا پر جاری کیا ہے۔

View this post on Instagram

A post shared by Syra Yousuf (@sairoz) on Feb 29, 2020 at 9:06am PST

خیال رہے کہ کچھ عرصہ پہلے یہ خبریں سامنے آئی تھیں کہ شہروز سبزواری اور ان کی اہلیہ سائرہ یوسف میں طلاق ہوچکی ہے جس کی وجہ ماڈل گرل صدف کنول کو قرار دیا گیا تھا۔

تاہم بعد میں شہروز سبزواری نے طلاق کی خبروں کی تردید کردی تھی اور صدف کنول کے حوالے سے باتوں کو بھی افواہیں قرار دیا تھا۔

شہروز سبزواری اور ان کی اہلیہ میں گزشتہ ماہ جون میں علیحدگی ہوگئی تھی تاہم انہوں نے شادی اب ختم کی ہے۔