جب ہم سوتے ہیں تو اکثر ہمارے دماغ میں  تصاویر، منظر یا کہانیاں چلتی رہتی ہیں  جنہیں خواب کہا جاتا ہے۔  انسان خواب جب دیکھتا ہے تب اس کا دماغ نیند کے آخری مرحلے، آر ای ایم میں داخل ہوتا ہے۔ خواب خواب انسان کی نیند کو کبھی دلچسپ، کبھی حیران کن، کبھی پر اسرا ر اور کبھی کبھی خوفناک بھی بنا دیتے ہیں۔

لیکن کیا آپ جانتے ہیں خوابوں کے ساتھ بہت سے دلچسپ و عجیب  بھی جڑے ہوتے ہیں؟ آج ہم آپ کو خوابوں کے ایسے ہی حیران کن اور دلچسپ حقائق بتانے جارہے ہیں امید ہے یہ آپ کو پسند آئیں گے۔

٭ آپ خواب دیکھتے وقت سیکھ سکتے ہیں

آپ سورہے ہوتے ہیں لیکن آپ کا دماغ  مشکلات کو حل کرنے اور سیکھنے کے عمل میں مصروف ہوتا ہے۔ اگر آپ کوئی ہنر سیکھنے یا نئی معلومات کا مشاہدہ کرنے میں مصروف ہیں تو  آپ کو چاہیئے کہ نیند  اچھی طرح پوری کریں، یہ آپ کے سیکھنے کے لئے مددگار ثابت ہوگا۔

٭ کچھ لوگ صرف بلیک اینڈ وائٹ خواب دیکھتے ہیں

امریکی نیشنل لائبریری آف میڈیسن کے مطابق 12 فیصد لوگ صرف بلیک اینڈ وائٹ خواب دیکھتے ہیں. اس عمل میں عمر کا ایک اہم کردار ہوتا ہے، 25 سال یا اس سے کم عمر لوگوں کا یہ کہنا ہے کہ انہیں کبھی بلیک اینڈ وائٹ خواب نہیں  نظر آتے جبکہ 55 سال اور اس سے زیادہ عمر کے لوگوں کا یہ دعویٰ ہے کہ  انہیں 25 فیصد خواب بلیک اینڈ وائٹ نظر آتے ہیں۔

٭ خواب میں وہی چہرے نظر آتے ہیں جنہیں آپ پہلے سے جانتے ہیں

سائنسی طور پر تو یہ ثابت کرنا مشکل ہے لیکن "ٹرینڈ  ان  کوگ نیٹیو" کے ایک جرنل کے مطابق یہ مطالعہ کیا گیا ہے کہ آر ای ایم نیند کے آخری مرحلے میں ہمارے دماغ کے وہ حصے زیادہ فعال ہوجاتے ہیں جو چہرہ پہچاننے کے لئے ذمہ دار ہوتے ہیں۔

 ٭نابینا افراد زیادہ حساس خواب دیکھتے ہیں

پیدائشی طور پر نابینا افراد بھی خواب دیکھتے ہیں، لیکن نظر کے لحاظ سے نہیں۔ بلکہ ان کے خوابوں کا انحصار دوسرے احساسات پر ہوتا ہے۔ وہ لوگ جو پیدائش نابینا نہیں ہوتے بلکہ بعد میں نا بینا ہوئے ہوتے ہیں وہ خوابوں میں  مختلف تصاویر بھی دیکھتے ہیں۔

٭ جانور بھی خواب دیکھتے ہیں

دنیا میں صرف انسان ہی ایسی مخلوق نہیں ہے جو خواب دیکھتے ہیں، بلکہ جانور بھی خواب دیکھتے ہیں۔

٭ جنس کی بنیاد پر خواب کے کردار مختلف ہوتے ہیں

مرد زیادہ تر اپنے خوابوں میں مردوں کو ہی دیکھتے ہیں، جبکہ خواتین جب  خواب دیکھتی ہیں تو ان کے خواب میں مرد اور عورت دونوں کے ہی کردار پائے جاتے ہیں۔

٭ آپ ہر رات ایک سے زیادہ خواب دیکھتے ہیں

جب آپ کوئی خواب دیکھتے ہیں تو  وہ آپ کو مکمل طور پر یاد نہیں رہتا، آپ اس کا زیادہ تر حصہ بھول جاتے ہیں، آپ ہر رات ایک سے زیادہ خواب دیکھتے ہیں۔ نیشنل سلیپ فاؤنڈیشن کے مطابق، زیادہ تر لوگ خواب کا 90-95 فیصد حصہ بھول جاتے ہیں۔

٭ خواب آپ کی تخلیقی صلاحیتوں کو ری چارج کرتے ہیں

خواب آپ کے جسم اور تخلیقی صلاحیتوں کو ریچارج کرتے ہیں۔ امریکی نفسیاتی ایسوسی ایشن کے مطابق ایسا اس لئے ہوتا ہے کیونکہ ہمارے خواب ہماری  تخلیقی صلاحیتوں سے مشابہت رکھتے ہیں۔

٭ آپ اپنے خوابوں میں پڑھ نہیں سکتے یا  وقت نہیں بتا سکتے ہیں

خواب کے دوران  زیادہ تر لوگ پڑھنے کے قابل نہیں ہوتے یا وہ درستگی کے ساتھ وقت نہیں بتا پاتے۔

٭خواب میں آپ کا دماغ زیادہ فعال ہوتا ہے۔

عموماً جب ہم سو رہے ہوتے ہیں تو ہمارا جسم عارضی  طور پر مفلوج ہوتا ہے، لیکن ہما را دماغ زیادہ فعال ہوتا ہے اس کے برعکس جب ہم جاگ رہے ہوتے ہیں تب ہمارا دماغ اتنا فعال نہیں ہوتا۔

Thanks to valleysleepcenter