ممبئی:جب تمام لوگ  سیف علی خان اور کرینہ کپور کے بیٹے تیمور علی خان کی خوبصورتی میں کھوئے ہوئے تھے،اور ہر طرف ننھے تیمور کا ہی چرچہ تھا کرشمہ کپور نے ایک اور تصویر شیئر کردی۔

انڈین ایکسپریس کے مطابق اداکارہ کرشمہ کپور نے حال ہی میں انسٹا گرام پراپنی اور کرینہ کے بچپن کی تصویر شیئر کی ہےجس میں دونوں ساتھ بیٹھی کھا نا کھاتی ہوئی بہت پیاری لگ رہی ہیں۔

تصویر میں کرشمہ کپور کے بال چھوٹے ہیں جبکہ کرینہ  کے بالوں میں دو چھوٹی پونی ٹیل بندھی ہوئی ہیں  اور دونوں کی پلیٹس کھانے سے بھری ہوئی ہے،تصویر میں کپور گرلز کسی خوبصورت آرٹ کا نمونہ لگ رہی ہیں۔

Twinning since childhood 👯#throwbackthursday📷#sisterlove❤️#alwaysandforever#familygoals#fooodies #stylegoals😎

A post shared by KK (@therealkarismakapoor) on Mar 2, 2017 at 4:41am PST

یاد رہے گزشتہ منگل کو کرینہ کپور نے ایک انٹرویو کے دوران کہا تھا کہ وہ زندگی کے بہترین دور سے گزررہی ہیں،وہ بہت خوش ہیں،لیکن ایک چیز ہے جو انہیں پریشان رکھتی ہے اور وہ ہے ان کے بیٹے تیمور کے نام پر ہونے والی چرچہ۔

گزشتہ کچھ عرصہ قبل شائع ہونے والی ایک خبر کے مطابق کرینہ اپنے بیٹے کو 'لٹل جان'کے نام سے پکارتی ہیں،جب ان سے اس بارے میں سوال پوچھا گیا تو انہوں نے اس بات کی تردید کرتے ہوئے کہا کہ میں اپنے بیٹے کو لٹل جان کے نام سے کیوں پکاروں گی میرے بیٹے کا نام 'تیمور'ہے،لہٰذا اسے تیمور علی خان لکھا اور پکارا جائے۔