ایٹمی حملے سے بچنے کیلئے بھارتی گائے کا گوبر استعمال کریں گے
ایک بھارتی افسر نے ایسی انوکھی منطق پیش کردی جس کو سننے کے یقیناً بعد آپ کی ہنسی نہیں رُکے گی، اس افسر کا کہنا ہے کہ گائے کا گوبر انہیں ایٹمی حملے کے بعد جوہری تابکاری کے اثرات سے محفوظ رکھے گا۔
ایک ٹی وی شو کے دوران بھارتی سول ڈیفنس کے افسر نے یہ بیان دیا اور اب پورے سوشل میڈیا پر اس کا مذاق بنا ہوا ہے۔
اپنے بیان میں اس افسر نے کہا کہ جب وہ ناگپور بم ڈسپوزل کی ٹریننگ کیلئے گیا تو وہاں بتایا گیا کہ امریکا نے ایٹمی بم گرنے کی صورت میں اپنی 40 فیصد آبادی کو تابکاری کے اثرات سے محفوظ رکھنے کیلئے مہنگے سینٹرز بنا رکھے ہیں جس پر ہم نے پوچھا کہ بھارت اس سے اپنے آپ کو کیسے بچا سکتا ہے؟
اس افسر نے مزید کہا کہ وہاں ہمیں جواب ملا کہ کھائی کھودیئے، اس پر لکڑی کی بَلیاں رکھیئے، پتے رکھیئے اور اس کے اوپر گائے کے گوبر کی ڈیڑھ فٹ تک کی تہہ لگا دیں تو بھارت جوہری تابکاری سے بچ جائے گا۔ انہوں نے یہاں تک کہہ دیا کہ ناسا بھی اس کی تصدیق کرچکا ہے کہ ایٹمی تابکاری سے گائے کا گوبر بچاتا ہے۔
اس تمام تر گفتگو کے دوران شو کے میزبان مزاحیہ مسکراہٹ جبکہ دیگر سیاسی مہمان بھی ہنستے ہوئے دکھائی دیئے۔ میزبان نے اسی مزاحیہ مسکراہٹ کے ساتھ اس بات کو بھی دہرایا کہ گائے کے گوبر کے ذریعے ایٹمی تباہی روکی جاسکتی ہے۔
یہ ویڈیو سوشل میڈیا پر وائرل ہوئی تو ڈی جی آئی ایس پی آر میجر جنرل آصف غفور نے بھی اپنے ذاتی ٹویٹر اکاؤنٹ سے اسے شیئر کرتے ہوئے لکھا کہ ناسا نے بلاشبہ ثابت کردیا ہے کہ گائے کا گوبر جوہری تابکاری سے بچاتا ہے۔
Here it comes. Scientifically proven. @NASA is for sure authority.
After #CowColaEnegy it’s #CowDungAntiRadiationGuard.PS
No offence to religion which remains respectable. pic.twitter.com/b4FaJOEEEe— Asif Ghafoor (@peaceforchange) September 12, 2019
انہوں نے اپنی ٹویٹ میں اس بات کو بھی واضح کیا کہ مذہب پر تنقید نہیں کی گئی ہے اس کا احترام برقرار ہے۔
Comments are closed on this story.