آرمی چیف جنرل قمرجاوید باجوہ سے جرمن وزیرمملکت نے ملاقات کی۔جس میں باہمی دلچسپی اورعلاقائی سیکیورٹی کےامورپرتبادلہ خیال کیا گیا۔جرمن وزیرنے اسپیکر قومی اسمبلی، سیکرٹری خارجہ سے بھی ملاقات کی ہے۔

آئی ایس پی آرکے مطابق آرمی چیف جنرل قمرجاوید باجوہ سے جرمن وزیرمملکت نے ملاقات کی جس میں باہمی دلچسپی اورعلاقائی سیکیورٹی کے امورپرتبادلہ خیال کیا گیا۔ملاقات کے دوران مختلف شعبوں میں باہمی تعاون کوبڑھانے پر بھی بات چیت کی گئی۔جرمن وزیرمملکت نے خطے میں امن واستحکام کےلئے پاکستان کے کردارکی تعریف کی۔

 جرمن سفارتخانے کے مطابق جرمنی کے منسٹرآف سٹیٹ فیڈرل فارن آفس نے 12اور13جنوری کو اسلام آباد کا دورہ کیا۔

جرمن وزیرنے اسپیکرقومی اسمبلی، سیکرٹری خارجہ سے سیاسی بات چیت کی۔جرمن وزیر نے پاکستان کےاسٹریٹجک کرداراجاگرکیا۔

جرمن سفارتخانہ نے کہاکہ جرمن وزیرنے قومی اسمبلی وسینیٹ کے اراکین سے بھی ملاقاتیں کیں۔